TIRANE- Ish-ushtarakët që kërkojnë të marrin pension të parakohshëm për vjetërsi shërbimi, apo ata që nuk kanë aplikuar ende, duhet të plotësojnë një formular të posaçëm për marrjen e pensionit. Instituti i Sigurimeve Shoqërore ka publikuar formularin e ri për përfitimin e pensionit të parakohshëm.

Në këtë formular çdo ish-ushtarak duhet që të plotësojë të dhënat e tij personale. Gjithashtu duhet të plotësohet viti kur ka dalë në shërbim dhe vitet e punës. Në formular përcaktohet dhe pagesa kalimtare që është përfituar, duke deklaruar datën kur e ka marrë këtë pagesë. Më pas ushtarakët duhet të plotësojnë vitet e punës ku kanë punuar, duke shënuar edhe subjektet përkatëse.