Situata energjetike ndërkombëtare duket se nuk ka përmirësim. Këtë të mërkurë çmimet e energjisë në bursë kanë regjistruar një tjetër rekord. Një megavat kushton mesatarisht rreth 554 euro, ndërsa sipas të dhënave të bursës në momentet pik të konsumit, çmimi do të arrijë deri në 747 euro për megavat.
Këto janë vlerat më të larta të çmimit të energjisë në bursë, të ndikuara nga thatësira, mungesa e prodhimit, konsumi i lartë ndërkombëtar si dhe lufta në Ukrainë, ku për shkak të reduktimit të gazit që shpërndan Rusia në Evropë është rritur më tej konsumi i energjisë.
Dy dit më parë Korporata Elektroenergjetike Shqiptare njoftoi anulimin e tenderit për të blerë energji për datat 15-21 gusht për shkak të çmimeve tepër të larta të bursës ndërkombëtare.
Nëpërmjet ankandit të hapur për këto data KESH kërkonte të blinte 61,600 megavat, por nëpërmjet një njoftimi të dytë ankandi u anulua.
Çmimi i energjisë në bursë
Për të mbuluar vendin me furnizim, KESH ka importuar vetëm për 2 javët e para të këtij muaj mbi 50 milionë euro energji elektrike, ndërsa që prej janarit shifra ka kapërcyer mbi 250 milionë euro.
Për shkak të çmimeve të larta të energjisë elektrike në bursën ndërkombëtare dhe sasisë së lartë të importit për shkak të thatësirës, qeveria miratoi pak ditë më parë fondin e parë për KESH-in për të përballuar situatën. 8 miliardë lekë ju vunë në dispozicion KESH si mbështetjen për sektorin e energjisë. Ky fond ishte i përcaktuar në buxhetin e shtetit të vitit 2022, por që ende nuk ishte aktivizuar.
Si pasojë e kostove në rritje të importit qeveria ka paralajmëruar masa kursimi prej muajit shtator ku nuk përjashtohet edhe ndërprerja e energjisë në orë të caktuara.
Kjo situatë e paprecedentë me çmimet nuk imagjinohej vjet në të njëjtën periudhë, pasi sipas të dhënave të bursës Hungareze të Energjisë, në 17 gusht 2021, një megavat energji kushtonte 97.1 euro.
IMPORTET E ENERGJISË ELEKTRIKE
1-7 gusht 22,168,576 euro
8-14 gusht 24,480,684 euro
13-14 gusht 3,528,110 euro
TOTALI 50,177,370 euro
Kriza energjisë ka nisur të ketë efekte më të forta në Kosovë, ku kanë filluar ndërprerjet e energjisë për shkak të kërkesës së lartë për konsum dhe prodhimit të ulët. Për këtë arsye KESH në bazë të marrëveshjes së depozitimit që ka me Korporatën Elektroenergjetike Kosovë, i ka dhënë energji Kosovës, për të evituar ndërprerjet e gjata.
Në kushtet e krizës globale të energjisë elektrike, ministrja e Energjetikës, njëkohësisht zëvendës kryeministre, Belinda Balluku ka shpërndarë në rrjetet sociale një mesazh sensibilizues për kursimin e energjisë elektrike.
‘Kursimi i energjisë elektrike në ditët e sotme, në kushtet e një krize botërore, është detyrë për çdo qytetar. Përpara se të dilni nga shtëpia sigurohuni që të gjitha dritat të jenë të fikura. Shmangni ndriçimin e panevojshëm, gjatë kohës që jeni në shtëpi.’- shkruan Balluku.
Komente
Lajme të tjera
-
Energji e rinovueshme për objektet publike në Mirditë, BE mbështet realizimin projektit
19 Prill, 09:14 -
KESH shpenzoi në vitin 2022, afro 6 mln euro pa efektivitet! Raporti i KLSH: Mungesë eficence nga blerja-shitja e energjisë deri tek fondet limite të tenderave
14 Mars, 15:25
-
Erlind Sulo emërohet drejtori i ri i KESH, Ergys Verdho shkon në krye të Hekurudhës Shqiptare
13 Mars, 19:34 -
KESH kërkon të blejë 4 mijë ton karburant për testimin e TEC -eve lundruese
2 Shkurt, 15:05 -
Ergys Versho jep dorëheqjen nga KESH, në krye të Hekurudhës Shqiptare
26 Janar, 12:47 -
Moti i keq me reshje shiu dhe erë të fortë përfshin veriun, pa energji Malësia e Madhe dhe Puka
18 Janar, 21:16 -
Qeveria hap ankandin fotovoltaik hibrid me kapacitet 300 KW! 17 maji, afati i fundit për dorëzimin e ofertës financiare
15 Janar, 19:20 -
Qyteti i Sarandës një orë pa drita
14 Janar, 18:43 -
Rritet me 39% numri i familjeve që nuk mund të paguajnë energjinë elektrike në Britani
11 Janar, 18:37 -
Fatos Çoçoli: 2023-i: viti më i mirë energjitik?
3 Janar, 22:05
-
Nga sot energjia në veri do të paguhet njësoj si në pjesën tjetër të Kosovës
1 Janar, 20:03 -
FOTO/ Stuhia 'Gerrit' godet Britaninë! Mijëra pa energji elektrike, ndërpriten shërbimet e trenave dhe fluturimet
28 Dhjetor 2023, 11:20
Mos perhapni panik. Cmimi nuk eshte aq. Publikoni burimin e ketij cmimi, qe te besoheni. Dhe mos publikoni komente lapanjozesh te rilindjes sikur cmimet qenkan ne angli aq lart. Se kemi njerez qe jetojne atje dhe e dime sa harxhojne per energjine elektrike.
PërgjigjuRofte Nato se na e futen sa krahu Tani do hame dhe ,se barin ku ta gjesh.
PërgjigjuI ke fikur kondicioneret ti ne shtepi apo beni cfar them un e mos beni cfar bej une?
PërgjigjuTani do fillojn te ven kujen supaxhinjt anonim dhe mbeshtetesit e foltores se gjoja kjo eshte pasoj e abuzimeve dhe se tregon paaftesine e shtetit shqiptar. U bej thirrje gazetareve qe te permendin disa shifra si pike krahasimi: Fatura mesatare e energjise ne Angli eshte £1197 ne vit. Kjo do te shkoj ne £3582 ne tetor, dhe £4266 ne janar te vitit te ardhshem. Domethene do rritet pothuajse katerfish. Njekohesisht, pagat reale ne Angli kane rene ne nivele historike, me nje inflacion qe arriti 10.1% gjate periudhes korrik 2021 - korrik 2022. U lutem gazetareve shqiptar qe te bejn sa me shume krahasime. Krijoni kontekst, kur shpreheni per krizen energjitike dhe ekonomike. Per ndryshe bindja e gabuar se vetem ne Shqiperi ka veshtiresi ekonomike nxit edhe me tej problemin madhor te emigrimit te rinise. Jeni poaq pergjegjes sa qeveria per te frenuar kete fenomen shkaterrimtar sepse interpretimi i situates eshte thelbesor. Faleminderit per mirekuptimin!
Përgjigju