Kriza klimatike/ Akullnaja Antarktike mund të shkrijë më shpejt nga ç'mendohej, rrezikohet përmbytja e qyteteve bregdetare (Foto)

Një gropë me përmasa të mëdha është zbuluar në të ashtuquajturën Akullnaja e Kumtesës në Antarktik, duke krijuar përshtypjen se ajo mund të shkrihet edhe më shpejt nga sa i frikësoheshin shkencëtarët.Shkrirja e kreshtës së masivit të Thaaites do të mund të rriste nivelet e detit deri në dy këmbë. Nëse do të shkrihej plotësisht, ajo ka mjaftueshëm ujë sa për të zhytur qytetet kryesore bregdetare në të gjithë globin.

Për shkak se copëza që vepron si një pengesë për të mbrojtur Antarktidën Perëndimore është me madhësi sa Mbretëria e Bashkuar, shkrirja e saj gjithashtu pritet të lërë një shkatërrim të përmasave të mëdha, duke krijuar një destabilitet mbi të gjithë rajonin dhe duke e ekspozuar atë në ujëra të ngrohta. Shkencëtarët thonë se zgavra nën akullnajore është shumë më e madhe nga sa mendohej më parë - duke e bërë atë shumë më të prekshëm nga shembja. Boshllëku, në total, është rreth gjashtë milje i gjatë dhe 1.000 metra i thellë - që përfaqëson humbjen e rreth 14 miliardë ton akulli.

“Madhësia e zgavrës është befasuese dhe, siç shkrihet, po bën që akullnaja të tërhiqet," tha Pietro Milillo, një shkencëtar i radarit të NASA-s që drejtoi studimin e ri në Thëaites. Milillo drejtoi një ekip duke analizuar të dhënat e mbledhura nga satelitët italianë dhe gjermanë, si dhe vetë Operacionin IceBridge të NASA-s, një program në të cilin avionët e pajisur me radarë që depërtojnë në akull fluturojnë mbi rajone polare.

“Studiuesit prisnin humbje të konsiderueshme të akullit, por humbje të kësaj shkalle… Kjo erdhi si një e papritur”, shtoi Milillo.

Gjetjet - botuar në revistën Science Advances - vijnë pasi një ekip i shkencëtarëve globalë filluan projektin më të madh kërkimor  të ndërmarrë ndonjëherë në lidhje me akullnajën.

Bashkëpunimi Ndërkombëtar i Thwaites Glacier - një përpjekje pesë-vjeçare, me një fond prej 38 milion paundësh të udhëhequr nga Mbretëria e Bashkuar dhe SHBA – pritet të zbulojë se pse po ndryshon kaq shpejt klima. Gjatë kërkim-studimit pritet të përdoren  robotë dhe stacione atmosferike të oqeanit, si dhe më shumë se një duzinë eprubetash të pajisura me sensorë, për të mbledhur të dhëna në lidhje me akullin dhe ujin përreth.

TAG:
• SHBA
• britani
• ndryshimet klimaterike
• akullnaje
• antarktik