Rreth 75 bimë narkotike Cannabis Sattiva janë asgjesuar në fshatin Brret të Krujës ndërsa procedohet penalisht kryeplaku i fshatit.

Gjithashtu, fillon procedimi për një 76-vjecar dhe shpallet në kërkim djali i tij.

"Më datë 11.07.2017, gjatë kontrollit të ushtruar nga uniformat blu, në fshatin Brret, Bashkia Krujë, u gjetën dhe asgjesuan me anë të djegies 75 bimë narkotike të dyshuara të llojit Cannabis Sattiva" thuhet në njoftimin për mediat.
 
Policia bën me dije se ka filluar proçedimi penal në ngarkim të F.K. 57 vjeç, Kryeplak i fshatit Brret dhe 76- vjecarit me inicialet B.Xh. banues në fshatin Brret, Krujë.

Gjithashtu është shpallur në kërkim dhe po punohet për kapjen e 51 vjecarit me iniciale O.XH banues në fshatin Brret, Krujë, djali i 76-vjecarit.

Materialet I kaluan Prokurorisë së Rrethit Gjyqësor Krujë për veprime të mëtejshme për veprat penale" Kultivimi I bimëve narkotike"dhe" Moskallëzimi I krimit" parashikuar në nenet 284 dhe 300 të Kodit Penal.

Redaksia Online
e.m/Shqiptarja.com