POP 5

Lajmet më të lexuara të 5 minutave të fundit

Kronikë

Kryegjyshata Botërore Bektashiane: Ndalohet kategorikisht të gjitha festat! Dervishët dhe baballarët e teqeve të shmangin takimet me qytetarët

Ashtu si komuniteti Myslim dhe ai Krishterë, edhe Kryegjyshata Botërore Bektashiane kanë pezulluar të gjitha veprimtaritë fetare.

Kryegjyshata Botërore Bektashiane: Ndalohet kategorikisht të gjitha festat! Dervishët dhe baballarët e teqeve të shmangin takimet me qytetarët

TIRANË- Ashtu si komuniteti Myslim dhe ai Krishterë, edhe Kryegjyshata Botërore Bektashiane kanë pezulluar të gjitha veprimtaritë fetare.

Në një deklaratë zyrtare për mediat, Kryegjyshata Botërore Bektashiane njofton 6 masat e marra në kuadër për të parandaluar përhapjen. Ky urdhër hyn në fuqi që sot dhe zgjat deri në 3 prill, afat ky i vendosur nga qeveria.

"Në të gjitha mjediset e gjyshatatve, teqeve, qyrbeve apo prindërive të ndalohet çdo lloj veprimtarie fetare e cila konsiston në bashkimin apo afrimin fizik të besimtarëve dhe që bie ndesh me vendimet e qeverisë shqiptare lidhur me këtë rast.

Ndalohet kategorikisht të gjitha festat, darkat e ndryshme, llokmat për myhiban apo dashamirës bektashinjtë dhe si çdo lloj tubimi tjetër që është traditë e tarikatit dhe nënkupton grumbullimin e besimtarëve.

Mjediset e teqesë, qyrbeve dhe çdo vend i ndenjës së besimtarëve të pastrohen urgjentisht me dezinfektues apo solucion të ndryshëm me bazë alkooli dhe klori. Vetë punonjësit e teqeve të kontrollojnë dhe zbatojnë higjienën e tyre vetjake.

Dervishët dhe baballarët e teqeve të shmangin sa më shumë vizitat e qytetarëve, t'i shtyjnë ato sa të jetë e mundur për një periudhë të mëvonshme deri në largimin e plotë të rrezikut të kësaj sëmundjeje vdekjeprurëse.

Për zbatimin e këtij urdhri ngarkohen të gjithë klerikët dhe personeli ndihmës në gjyshata e teqe.

Urdhri fillon sot dhe mbaron deri në 3 prill", shkruhet në njoftimin zyrtar.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Dita e parë në detyrë e kreut të Pentagonit, paralajmëron ndryshime të thella

Dita e parë në detyrë e kreut të Pentagonit, paralajmëron ndryshime të thella

27 Janar, 18:02