Omer Kaleshi, piktori shqiptar me origjinë nga Kërçova e Maqedonisë, që banon prej 50 vjetësh në Paris, vjen në Tiranë për të shënuar një ngjarje të re në kulturën dhe traditën shqiptare.
Me një ekspozitë unikale, Kaleshi çel të parën galeri arti në një institucion fetar në Shqipëri. Kjo galeri do të mbajë edhe emrin e tij dhe aty do të qëndrojnë edhe pikturat që u ekspozuan këtë mërkurë në Muzeun e Bektashizmit në Kryegjyshatën Botërore Bektashiane në Tiranë
“Një nga këto lëvizje shpirtërore është edhe nisma dhe gjesti shumë i madh i piktorit Omer Kaleshi, i cili krijon një galeri unikale në gjithë Shqipërinë, e ndoshta në Ballkan, që lidhet me një koleksion portretesh të tij, të një arti të veçantë.”, -tha shkrimtari e studiuesi Moikom Zeqo.
Mesazhi i veprave të Omer Kaleshit është se: duhet të ndërpriten paragjykimet dhe dallimi i njerëzve në bazë fetare, etnike apo kombëtare.
“Do të kthehem në Paris shumë i kënaqur, qysh u bë kjo galeri në një vend shumë të mirë, edhe shumë mirë.”,- tha piktori i njohur Omer Kaleshi.
Baba Mondi e cilësoi ditën e çeljes së galerisë “Omer Kaleshi” në institucionin fetar si një ditë historike për bektashizmin, që i hap rrugë krijimtarisë artistike. “E falënderoj nga zemra që një piktor kaq i madh bëri një vepër kaq bamirëse për bektashizmin”, -tha Haxhi Baba Edmond Brahimaj, kryegjysh i bektashive dhe sufive në Tiranë dhe Ballkan.
I pyetur se, sipas besimtarëve myslimanë është menduar se piktura, fotografia apo skulptura janë të ndalura, Baba Mondi shprehet se në këtë rast bëhet fjalë për një keqinterpretim të udhëzimeve fetare:
“Nuk ndalen në asnjë vend të botës nuk ndalet, as në fenë islame, por në faltore nuk lejohet. Kjo nuk është faltore, është muze, prandaj lejohet dhe fotografia edhe piktura. Siç mbajnë ne edhe fotografitë e gjyshes, gjyshit apo familjarëve tanë. ashtu mbajnë edhe ne skulpturat dhe pikturat e këtyre shenjtorëve tanë. Ne nuk duhet të keqpërdorim thëniet e tij, e të Kuranit që janë një buti drite për të gjithë njerëzimin.” - tha Haxhi Baba Edmond Brahimaj, Kryegjysh i Bektashinjve.
Luan Rama autori i librit “Omer kaleshi shtërgu nga Ballkani” tha se: “Unë e vizitoj shpesh studion e tij në Paris. Kështu që kam fatin të shijoj artin e tij piktural, i cili është një art origjinal, mjaft i thellë e filozofik.”, -u shpreh ndër të tjera shkrimtari dhe diplomati Luan Rama.
Duke jetuar në mjedise multikulturore nga Maqedonia, në Turqi, e më pas në Paris, Omer Kaleshi njihet si piktori i “dramës ballkanike” dhe i kokave të dervishëve të Ballkanit
Edhe pse shpesh e ndryshon tematikën e tij, Omer Kaleshi mbetet një piktor që ngërthen në artin e tij tradicionalen, moderne dhe mesazhin universal.
Ai është autor i ciklit prej pesëqind portreteve të pikturuara, ndërsa ka ekspozuar gjatë jetës së tij në galeritë prestigjioze parisiene, si dhe në shumë qytete të tjera të botës.
Komente
Lajme të tjera
-
'Vatikani SUFI, rruga liberale drejt Islamit', Baba Mondi flet për 'La Repubblica'
17 Nëntor, 12:39
-
‘Vanguard’: Sovraniteti bektashian i Shqipërisë ofron shpresë kundër ekstremizmit në Afrikë
16 Nëntor, 14:38
-
Studiuesi i njohur, James Ker-Lindsay reportazh për krijimin e shtetit të ri sovran bektashi në Shqipëri
9 Nëntor, 15:55 -
Shteti bektashi në letër' Baba Mondi: Kur të ketë diçka të re ju njoftojmë! Në Mallakastër vihet shtatorja e Baba Haxhi Saliaj
25 Tetor, 14:25 -
Krijimi i shtetit Bektashi, ‘The Economist’: Shpresat për harmoninë fetare vijnë në jetë në Vatikanin mysliman
17 Tetor, 16:40 -
Ruhet me truproja/ Baba Mondi intervistë për ‘Jerusalem Post’: Gati për shtetin Bektashi, të mos humbet kohë! E quaj veten vëlla të popullit të Izraelit!
13 Tetor, 16:13 -
Dritan Hila: Lëreni Iranin, Turqinë dhe Arabinë Saudite t’i hajë meraku, një sqarim për meraklinjtë e unitetit fetar të shqiptarëve
26 Shtator, 10:58
-
Kryegjyshata i ka kërkuar qeverisë në vite t'i njihet statusi i saj ndërkombëtar si qendra e bektashinjëve në botë, me statusin që ka Nunci Apostolik në Tiranë (LETRA)
25 Shtator, 19:57 -
Plani i Ramës për një shtet Bektashi, BE për Report Tv: S’kemi komente në këtë fazë, mbështesim tolerancën dhe dialogun ndërfetar, s’kemi kompetenca
25 Shtator, 13:07 -
Dritan Hila: Shteti i bektashinjve, më mirë vonë se kurrë
24 Shtator, 18:35
-
Protestë para KMSH-së kundër shtetit bektashi, Florian Arapi: Baba Mondi, levë në duart e Izraelit! Teqeja e tij sallë pritjeje për ushtarët izraelitë! Tradhtar i kombit
24 Shtator, 18:17 -
Shteti i Urdhrit Bektashi bën jehonë edhe në SHBA! Baba Mondi bëhet i famshëm, New York Times e hap gazetën me të
23 Shtator, 07:12
Ore a më ndihmon ndokush të më pergjigjet së a eshte Shqiperia shtet laik apo jo?! Di qe Turqia psh eshte shtet laik pasi prifterinjte dhe hoxhallaret atje nuk i lejon ligji të dalin në mjedis publik me veshje fetare. Ketu tek ne babagjyshet e kish-xhami-teqeve dalin me turbanë fetarë. Këto veshje nuk janë të kultures së Arbrit por ua sollen shqiptareve të Tij, pushtuesit kristjanoosmanë.
Përgjigju