Kryetarja e Lëvizjes Socialiste për Integrim, Monika Kryemadhi ka ndarë mëngjesin e sotëm lajmin e gëzueshëm për dy nëna të reja në LSI. Ajo e ka lidhur këtë lajm me situatën aktuale politike në vend duke thënë se bebet që janë rrugës për të ardhur në jetë do të lindin në një Shqipëri më të mirë.

"Mes shumë gëzimeve që te ofron jeta, padyshim më i madhi dhe i forti është ai i të ndjerit nënë!

Ndaj sot dua të jem pranë me një urim të veçantë për dy nënat e reja të familjes sonë të madhe të LSI. Për Erionën dhe Reina e saj gjithë dritë, për ty Ana me Rejan engjëllore dhe Mami Irisin që gëzohet për herë të dytë që mban në krahë engjëllin e saj.

Erdhën si vajza të reja në LSI e sot janë nëna, me forcë dhe dashuri për të rritur fëmijët e tyre. Ashtu si të gjjthë djemtë e vajzat tona që do ta ndërtojnë shtëpinë e tyre të ardhme, familjen e tyre në Shqipëri. Sepse këtë urim do më duhet ta bëj ca shpesh këto kohë për të rinjtë e LSI, për bebet që janë rrugës për të ardhur në jetë, e që padyshim do të lindin në një Shqipëri më të mirë", shkruan Kryemadhi.