Monika Kryemadhi në Report Tv: COVID eksperiment social krijuar në laborator! Pse jo protesta?! Izraeli, shembull...S'do e rrëzoja Ramën në pandemi (VIDEO)

"Ishte i gatshëm Vasili. E ka kërkuar, por nuk e thirri njëherë. Por si mund ta thërrasin, sepse procedurat që kanë ndjekur...Keni edhe Vangjel Tavon, edhe Kërpaçin, edhe Tritan Shehun, Pampurin. I kanë pasur në gatishmëri, por nuk i thirrën kurrë".

Pse nuk aplikuan? "Kjo është si puna e atij pompistit në Vorë që iku në Itali. Na kanë karantinuar jetën, por mos të na karantinojnë edhe mendjen. Në Shqipëri kemi pasur 10 ministra shëndetësie, ti dashke që Vasili të bëjë aplikim online. Ministra Shëndetësisë 5-6 ka pasur në historinë e tranzicionit. Mos të flasim të prisje t'i Vasilin dhe Shehun të bënin aplikimin" tha Kryemadhi.

Kryemadhi tha se nuk e beson koronavirusin dhe se ai është një eksperiment i madh social për të ndryshuar sjelljet njerëzore.

"Mos e besoni koronavirusin, është një mashtrim që kërkon të ndryshojë sjelljen njerëzore. Është një eksperiment social për mua që kërkon t'i kthejë sjelljet sociale mes njerëzve nga sjellje njerëzore dhe shpirtërore në sjellje virtuale dhe dixhitale. Shikojeni si një moment për t'iu gëzuar familjeve në mënyrë të tillë që gjithë kjo periudhë tranzicioni në jetën e përditshme qytetare, por që një ditë do i kthehemi jetës tonë normale atë që na e ka dhënë Zoti, jetën na e ka dhënë Zoti dhe na e merr vetëm ai. Jetën nuk na jep dhe as nuk na e merr as qeveria, as politika dhe askush tjetër. Nëse do të ishte e vërtetë koronavirusi, ashtu siç krijohet paniku te njerëz që kanë frikë nga e vërteta, të jeni të bindur që do të kishte vende të tjera shumë më të zhvilluara dhe të modernizuar si ne që do ta radikalizonin. Po nuk lave duart s'të zë koronavirusi po të zë diarreja dhe ikën vdes dhe të zë kolera. Po hëngre me thonjtë të paprerë me mikrobe e gjëra të zë dizanteria, kështu është gjithmonë. Po të hash domaten e palarë, ushqime të prishura, gjëra të palara dhe shkon me duar në banjë dhe pastaj do hash normal që do të sëmuresh. Kjo është një higjienë elementare që secili nga ne duhet ta bëjë. Në qendrat e mëdha punëtore  duhet të ketë ujë sapunin, aty po është problemi. Shikojeni me pozitivitet tani vjen pranvera e vera dhe të fillojmë t'i kthehemi normalitetit dhe secili të zërë vendin e tij në shoqëri", tha Kryemadhi.

Partia Demokratike vazhdimisht ka kërkuar që të rritet numri i testimeve, por a mendon Monika Kryemadhi se numri i teksteve është mjaftueshëm? "Jo, është konspiracion politik dhe që ta zhdukësh duhet të bësh teste. Ca të kushtosh 400-500 mijë familjeve t'u bësh teste, atyre që janë target, që kanë sëmundje kronike, që janë përdorues të kokainës, që u dëmtohen mushkëritë. Ashtu sikur ka pasur grip të tjerë që janë dëmtuar organe të tjera. Testimi në masë do të ishte gjëja më e domosdoshme. Do të krijonte lëvizjen e ekonomisë. Ky është një virus laboratorik, është i prodhuar në laborator' tha ajo.

Nëse do të ketë protesta në të ardhmen me PD, Kryemadhi tha se të gjithë jemi bashkë në këtë aksion duke dhënë dhe krahasimin me Izraelin.

"Protestat? Jemi të gjithë bashkë. E patë në Izrael çfarë u bë, që ka kushte më të këqija se Shqipëria. Izraeli është në luftë, ne nuk jemi në luftë. Ne jemi në një luftë virtuale me virusin", tha Kryemadhi.

"Me thënë të drejtën po ta shikojmë si qytetare nuk shoh dicka që ka bërë qeveria dhe unë kam përfituar, do të vlerësoja po të kishin ulur taksat, energjinë elektrike, përkundrazi është shtuar, ka një abuzim, do të kërkoja nëse do të kisha transportin publik të kontrolluar, që në autobus mos kishte më shumë se 5-6 veta. Dhe tjera është mbyllur në 17:30 orari, por pse deri në këtë orë virusi ishte i  mbyllur? Këto janë absurditete, e vetmja gjë e mirë që ka bërë, edhe vetë është shtrembëruar, e vetmja gjë e mirë është mos lëvizja e makinave, ka rënë smogu në Tiranë. Nuk e di a është në gjithë botën, por flas për Tiranën. Për të tjerat nuk ka bërë asgjë" tha ajo.

Monika Kryemadhi tha se gjatë menaxhimit të situatës së pandemisë janë dy gjëra tepër të gabuara , mungesa e transparencës për të vendimet marra, ndihmat e dhëna apo pagat e luftës dhe zgjatja  e fatkeqësisë natyrore.

 "Zgjatja e fatkeqësisë natyrore është një gomarllëk i madh, pasi sot kemi një mungesë transparence shumë të madhe që nga ndarja e 600 mijë pako se i bie që të gjithë shqiptarët të kishin marrë nga një pako, ku po të shohësh faturat e dita të gjitha më familje e biznese dhe çerdhe janë 300 mijë gjithsej. Janë shpërndarë pagat e bizneset, por cilët i kanë marrë? Mungesa e transparencës dhe  zgjatja e fatkeqësisë janë dy gjëra të gabuara. Ekonomia duhet të fillojë të lëvizni që nga turizmi, bujqësia e biznesi i vogël dhe i madh", tha Kryemadhi

Në lidhje se mes Presidentit dhe Kryeministrit mund të këtë lindur një dashuri e re që rastisi dhe me muajin prill, ku nisi dhe koalicioni i tyre më 1 prill 2013, Kryemadhi iu përgjigj ftohtë se nuk i intereson aspak dashuria e tyre politike apo institucionale. ndërsa në nivel njerëzor, Kryemadhi tha se nuk ka asgjë të tillë.

"Nuk më intereson fare se çfarë ndodh mes Kryeministrit dhe Presidentit politikisht.  Nga ana njerëzore nuk ka një dashuri, nga ana institucionale janë punët e tyre le t'i zgjidhin vetë", tha Kryemadhi.

Monika Kryemadhi tha se Rama fali ato gjoba që i vendosi padrejtësisht dhe e shfrytëzoi këtë për të bërë show.

"Ne i kemi mbyllur shqiptarët më 9 mars dhe vendimet e aktet normative i kemi marrë më 24 mars. Në këtë kohë janë gjobitur shqiptarët sipas qejfit dhe tani del kryeministri se do fal gjobat. Ato ishin të paligjshme dhe del e bën show në facebook. Vetëm në Tik-Tok ka ngelë pa dalë", tha Kryemadhi,

"Në Kushtetutën tonë, në kodin tonë nuk kemi asnjë nen nëse do të përfshiheshim në pandemi. Kjo është një klauzolë apo tërheqje vëmendje për të mos u marrë me probleme më të mëdha. Se ajo thotë po erdhe të më fusësh në gjak me shiringë...Kjo është edhe për shumë raste të tjera, që i rrëmben tjetrit ditët e jetës. E njëjta gjë edhe kur infekton . Nuk më shqetësojnë, nuk i kam lexuar dhe nuk do i lexoj. Të mos gjejmë kot justifikime dhe të harxhojmë kot energji duke nxjerrë dufin dhe mllefin. Pavarësisht se mund të ketë vendosur dhe presidenti për miratimin e tyre, kjo nuk më ndryshon mua mendimin se çdo ligj që del nga ai parlament është i pavlefshëm.Kjo historia e Kodit Penal dy muaj në karantinë, të duash të protestosh. Po s’u pamë ne që dolën të protestojnë njerëzit. Pra mos të gjejmë kot justifikime dhe mos të harxhojmë energji, meqë nuk kemi ku harxhojmë energji se rrimë mbyllur nëpër dhoma, nxjerrim dufin dhe mllefin duke bërë deklarata të tilla. Sigurisht që ka probleme dhe për mua, që në momentin që ai parlament është shpallur i paligjshëm, çdo ligj që është miratuar pas djegies së mandateve të opozitës, është i paligjshëm sepse aty tre çereku i deputetëve janë të paligjshëm. Pra Parlamenti ka vetëm 82 deputetë dhe Kodi Penal dihet që do 84 vota. Pavarësisht se janë vendime të paligjshme po e morën firmën e Presidentit Ilir Meta ndryshimet në Kodin Penal dhe ndodh pikërisht në muajin Prill, 7 vite pas prillit të 2013 që I ka bërë njerëzit të mendojnë që mund të ketë lidhje një dashuri e re mes Ramës dhe Metës. Unë, pavarësisht se mund të ketë firmosur Presidenti mendimi im nuk ndryshon, për të thënë që ai Parlament është i paligjshëm dhe çdo ligj dhe çdo vendim që është miratuar aty për mua është inekzisent. Është thjesht një fairytail i radhës i njeriut që po kalon radhën e pushtetit.", tha Kryemadhi.

"Jo, nuk do ta rrëzoja sepse pavarësisht...nuk e kam takuar ndonjëherë zotin Kurti. Nuk kemi ne si LSI ndonjë kontakt bashkëpunimi me VV apo LDK, më shumë kemi me AAK-në me NISMEN e PDK-në, por nuk do ta bëja sepse ne jemi një pikë në Oqean në këtë situatë që është krijuar në të gjithë botën. Po të isha në vendin e Kurtit nuk do të bija pre e provokimeve për të bërë veprime të tilla që e vendosin në një situatë të tillë. Euforia e tepërt dhe arroganca krijojnë probleme që të marrin në qafë, jo kryeministri në veten e vet por një popull të tërë. Ka ardhur koha që të gjithë që të mendojmë për një strategji afatgjate. Ku Shqipëria duhet të tregojë që jo vetëm është një vend që ka përgjegjësi dhe situatën nën kontroll jo vetëm të vetes së saj por faktorit shqiptar" tha ajo.

"Ndajmë qëndrime të ndryshme për politikën edhe për koronavirusin. Iliri është më strikt përsa i përket masave, takimit të duarve, unë nuk jam strikte, unë mendoj se është mashtrim dhe idiotësi kjo vënia e maskave dhe dorezave, u mungon oksigjeni në tru. Pak kanë probleme por t'u vendosësh maska në rrugë. Kjo historia e dorashkave për të shkuar në supermarkete është prapë një idiotësi tjetër, nëse duam të ruajmë pastërtinë në qendrat e shërbimeve cdo klient duhet të vendosë dorashkat në supermarketin që hynë. Janë disa masa që po të hysh në një logjikë njerëzore mënyra sesi i kanë detyruar qoftë policinë dhe ushtrinë apo personelin që punojnë për maskat është një mungesë. Asnjë nga ne nuk jeton në spital. I shmangemi debateve të tilla se nuk fitoj gjë me Ilir Metën, përsa i përket me koronavirusit, edhe ndonjë gjë tjetër mund ta fitoj" tha ajo.

"Mos u shqetësoni në mbledhjen tjetër do të jem unë. Te mbledhja e parë nuk isha sepse kam larë dhe pastruar shumë dhe kisha një dhimbje të shpatullës dhe isha te doktori për të bërë një kontroll por nuk ka asgjë. Vasili është më adapti për problemin e pandemisë apo menaxhimit të situatës të kësaj situate, sepse pa pasur kompleksin e modestisë, është një nga mjekët më të mirë që ka Shqipëria për menaxhimin e situatave të tilla. Kur ka qenë ministër i Shëndetësisë e njëjta situatë ka qenë si tani, kanë qenë vdekje më të mëdha, por menaxhimi që u bë ka qenë perfekte. Vasili është më i sakti për këtë gjë, secili duhet të marrë rolin e tij. Më vjen keq për Ramën se është bërë, infermier, xhandar, polic trafiku, edukator, mësues....më vjen keq se abuzojnë dhe shfrytëzojnë aq shumë imazhin e tij. Pak inati i karantinimit dhe krijon lodhje. Edhe politikanët duhet të shprehen secili sipas fushës. Te mbledhja e kaluar kemi qenë në kontakt me grupin. Vasili e kupton edh ei ciki më mirë këtë punë, se unë jam i cik më agresive" tha ajo.