Kryetarja e LSI-s, Monika Kryemadhi priti në një takim një grup veteranësh të luftës nga batalioni “Atlantiku”, i krijuar 20 vite më parë me iniciativën e shqiptarëve të Amerikës, si pjesë përbërëse e Ushtrisë Çlirimtare të Kosovës.
Pasi iu uroi mirëseardhjen dhe i falenderoi që në udhëtimin e tyre kanë përfshirë edhe vizitën në LSI, Kryemadhi theksoi rëndësinë që merr jo vetëm përkujtimi i luftës, i sakrificave dhe nderimi i gjakut të derdhur për çlirmin e Kosovës, por edhe trashëgimi i kësaj kujtese te brezat e rinj që duhet të dinë të vlerësojnë historinë e kombit dhe përgjegjësinë për ta mbrojtur e trashëguar.
Përfaqësuesit e batalionit "Atlantiku" shprehën dëshirën për t'i shtuar lidhjet mes shqiptarëve të diasporës dhe zhvillimeve në trojet shqiptare, duke nënvizuar idenë se "lufta, gjaku dhe sakrificat e panumërta janë mesazhi i madh se detyrimi ynë është t'i shërbejmë atdheut, t'i shërbejmë kombit me përkushtim dhe devocion".
![](https://shqiptarja.com/template/img/NO_ALFA_Kuadrate shqiptarja.png)
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)