Kryeministri britanik Keir Starmer ka arritur në Kiev për t’u takuar me presidentin ukrainas Volodymyr Zelensky.
Zyra e Starmer deklaroi se Britania e Madhe dhe Ukraina do të nënshkruajnë një marrëveshje historike për një partneritet 100-vjeçar, për të thelluar lidhjet e sigurisë dhe për të forcuar partneritetet për brezat e ardhshëm.
Traktati do të rrisë bashkëpunimin ushtarak në sigurinë detare përmes një strukture të re për të forcuar sigurinë e Deteve Baltik, të Zi dhe Azov dhe për të penguar agresionin e vazhdueshëm rus.
Siç theksohej në deklaratë, Ukraina ka një ushtri shumë të aftë dhe një sektor teknologjik të lulëzuar që po zhvillon me shpejtësi dhe po vendos pajisje luftarake më të avancuara, dhe për këtë arsye, një partneritet sigurie me Ukrainën do ta bëjë Britaninë më të fortë.
“Për të shënuar nënshkrimin e partneritetit sot, kryeministri pritet të shpallë mbështetjen e re të Britanisë së Madhe për Ukrainën nga ndihma vdekjeprurëse te qëndrueshmëria ekonomike”, u tha ndër tjera.
Starmer theksoi se ambicia e kreut të Kremlinit, Vladimir Putin për të shkëputur Ukrainën nga partnerët e saj më të afërt, kishte pësuar një disfatë të madhe strategjike.
Udhëtimi i Starmer vjen disa ditë pas inaugurimit të Presidentit të zgjedhur Donald Trump në Shtëpinë e Bardhë, i cili shpesh herë ka përsëritur dëshirën e tij për t'i dhënë fund shpejt luftës midis Ukrainës dhe Rusisë.
Ndërkohë, Kievi ka deklaruar se në qendër të bisedimeve mes Starmer dhe Zelensky do të jetë edhe mundësia e stacionimit të trupave perëndimore në Ukrainë për të monitoruar një marrëveshje të mundshme armëpushimi, propozim i paraqitur fillimisht nga presidenti francez Emmanuel Macron.
Komente
Lajme të tjera
-
Ambasadori amerikan në Beograd: Rusia filloi të përdorë rafinerinë në Serbi për të financuar luftën
16 Janar, 12:00 -
Polonia akuzon Rusinë se po planifikon akte terroriste kundër linjave ajrore në mbarë botën
15 Janar, 22:35 -
Veton Surroi: Si të jetohet në vitin G-Zero
15 Janar, 12:59
-
Ministri gjerman i mbrojtjes viziton Ukrainën në shenjë përkrahjeje
14 Janar, 21:26 -
Ministrja britanike e Thesarit jep dorëheqjen pas akuzave të lidhura me tezen e saj
14 Janar, 19:26 -
Kurthi i pasaportës së Vladimir Putinit
14 Janar, 14:43 -
Trump: Me Putin do të takohem sapo të marr detyrën! Ka vetëm një strategji për t’i dhënë fund luftës
14 Janar, 14:27
-
Sanksionet e SHBA-së kundër Moskës rrisin çmimet e naftës me 5%
14 Janar, 08:48 -
Rusia dhe Irani pritet të nënshkruajnë marrëveshje të partneritetit strategjik
13 Janar, 17:50 -
Ukraina thotë se po merr informacione 'të dobishme' nga ushtarët e kapur koreanoveriorë
13 Janar, 15:38 -
Gjermania heton spiunazhin e dyshuar rus në bazat e saj ushtarake
13 Janar, 14:49 -
Takimi mes Trump dhe Putin, ja shteti që është gati të presë dy liderët
13 Janar, 08:20
