Kryeministri italian Giuseppe Conte në Bruksel: Duam një pakt të ri me Evropën (VIDEO)

Nuk mund të ishte veçse në Bruksel vizita e parë e Kryeministrit Italian Giuseppe Conte, dëshmitari kryesor i një krize prej së cilës doli sërish si kryeministër i një maxhorance pro europiane.

Kryeministri italian takoi disa nga drejtuesit e institucioneve evropiane, përfshirë presidenten e zgjedhur të Komisionit Evropian Ursula Von Der Leyen.

Siç edhe shkruan në Facebook, Conte shpreson të gjejë në Bruksel konvergjencë për rishikimin e Paktit të Stabilitetit që i lejon qeverisë italiane të bëjë më shumë investime publike.

"Nuk po themi se ne nuk duam t'i mbajmë llogaritë financiare në rregull,  nuk po themi se qëllimi ynë nuk është ulja e borxhit, por ne duam ta bëjmë atë me një rritje të arsyeshme ekonomike dhe me investime prodhuese" - tha para gazetarëve Conte

Emërimi i Paolo Gentiloni si Komisioner për Çështjet Ekonomike të bën të mendosh se Komisioni i Bashkimit Europian do të jetë më shumë se fleksibël me Romën, por ende nuk dihet qëndrimi i Vladis Dombrovskis, Nënkryetar i Komisionit për Ekonominë, një ‘skifter’ i llogarive publike. Letonezi personifikon ashpërsinë e vendeve të Veriut të Europës, që nuk janë të prirur të bëjnë lëshime.

Emigracioni ishte gjithashtu në qendër të bisedimeve. Roma kërkon përpilimin e një mekanizmi të ri efektiv për shpërndarjen e migrantëve midis vendeve anëtare.

"Ka vetëdije se ata që nuk marrin pjesë do të preken dukshëm financiarisht - thotë Conte - Nëse jemi në Evropë padyshim që të gjithë duhet të marrin pjesën e tyre të emigrantëve dhe për këtë arsye nevojitet një mekanizëm solidariteti”.

Roma dhe Brukseli ndërsa po tentojnë të gjejnë harmoninë mes tyre, shumë problem të akumuluara që presin zgjidhje konkrete, kanë nevojë dhe për mbështetjen e kryeqyteteve të tjera evropiane.

TAG:
• brukseli
• roma
• Ursula von der Leyen
• Giuseppe Conte
• Paolo Gentiloni
• Vladis Dombrovskis