Kryeministri Rama nesër në Greqi, pjesë në forumin ekonomik të Delphit! Do jetë në panelin për diskutim të Politikave të Jashtme

Këtë të premte kryeministri Edi Rama do të udhëtojë drejt Greqisë ku do të marrë pjesë në forumin ekonomik te Delphit.  Sipas axhendës, kreu i qeverisë pritet të ketë fjalën në panelin e pasdites së datës 28 prill. Rama pritet të marrë pjesë në diskutimin për çështjet e politikës së jashtme.

Pjesë e këtij forumi do të jenë disa krerë shtetesh, politikbërës si dhe udhëheqës biznesi nga e gjithë bota. Nëpërmjet paneleve të ndryshme, një mori folësish të shquar do të trajtojnë disa çështje të rëndësishme, duke nisur që nga lufta në Ukrainë, globalizimi, drejtësia dhe politikat, energjia e deri te Greqia si një qendër arsimore dhe e ardhmja e Demokracisë.

Forumi Ekonomik Delphi është një organizatë jofitimprurëse, e drejtuar nga anëtarët, e angazhuar për të ofruar dhe promovuar ide inovative për rritje të qëndrueshme dhe konkurruese për Evropën dhe rajonin më të gjerë të Mesdheut Lindor, i cili ka nisur ditën e mërkurë në qytetin historik të Delphit.

A.M./Shqiptarja.com

TAG:
• greqi
• edi rama