TIRANË-  Ashtu siç kishte paralajmëruar që kur mori zyrtarisht detyrën, kryenegociatori për integrimin në BE, Zef Mazi ka zhvilluar një takim me presidentit Ilir Meta. Takimi nisi në orën 12:00 në ambientet e e Presidencës, e ndërsa ka zgjatur për rreth 1 orë.

Në fokus ka qenë çelja e negociatave me Bashkimin Europian, për të cilën kreu i shtetit tha se Mazi ka mbështetjen e tij të plotë në realizimin e kushteve, duke kërkuar të njëjtën gjë edhe nga palët politike.

"Kënaqësi të prisja sot në takim Ambasador Zef Mazin, i emëruar nga Qeveria Kryenegociator për zhvillimin e negociatave për anëtarësimin e Shqipërisë në Bashkimin Europian. Diskutuam hapur e në mënyrë konstruktive për perspektiven e çeljes së negociatave. Ndërsa politika jonë duhet të tregojë vullnet për plotësimin e kushteve, është e rëndësishme përgatitja teknike dhe rritja e kapaciteteve negociuese. E sigurova për mbështetjen e plotë në detyrën e tij nga institucioni i Presidentit të Republikës. Integrimi europian është objektiv mbarëkombëtar", shkruan Meta.

Kryenegociatori Zef Mazi dhe president Ilir Meta