POP 5

Lajmet më të lexuara të 5 minutave të fundit

Bota

Kryengritësit pro rusë në Ukrainën lindore urdhërojnë mobilizimin e plotë

Udhëheqësit separatistë në Ukrainën lindore urdhëruan një mobilizim të plotë ushtarak të shtunën, në një periudhë shtimi të dhunës në rajonin e shkatërruar nga lufta dhe frikës në perëndim se Rusia mund të përdorë situatën në atë zonë, si pretekst për pushtimin e Ukrainës. 

Kryengritësit pro rusë në Ukrainën lindore urdhërojnë mobilizimin e plotë

Udhëheqësit separatistë në Ukrainën lindore urdhëruan një mobilizim të plotë ushtarak të shtunën, në një periudhë shtimi të dhunës në rajonin e shkatërruar nga lufta dhe frikës në perëndim se Rusia mund të përdorë situatën në atë zonë, si pretekst për pushtimin e Ukrainës. Denis Pushilin, shefi i qeverisë separatiste pro-ruse në rajonin Donetsk të Ukrainës, lëshoi një deklaratë duke njoftuar një mobilizim të plotë të trupave dhe duke u kërkuar rezervistëve të paraqiten në zyrat e regjistrimit ushtarak.

Një njoftim i ngjashëm pasoi shpejt nga Leonid Pasechnik, udhëheqës separatist në rajonin e Luhanskut. Denis Pushilin ju referua "kërcënimit të menjëhershëm nga agresioni” i forcave ukrainase, akuza që zyrtarët ukrainas i mohuan me forcë.

Separatistët dhe forcat ukrainase kanë luftuar për gati tetë vjet. Por, dhuna përgjatë vijës ndarëse ndërmjet të dyja palëve, është shtuar ditëve të fundit, duke përfshirë shpërthimin e një makine bombë në qytetin lindor të Donetskut.

Me rreth 150,000 trupa ruse të vendosura tani rreth kufijve të Ukrainës, konflikti i gjatë separatist mund të shërbejë si një shkëndijë për një sulm më të gjerë.

Të premten, kryengritësit nisën evakuimin e civilëve nga zona e konfliktit, në një veprim që që dukej se ishte pjesë e përpjekjeve të tyre dhe të Moskës për ta paraqitur Ukrainën si agresore. Presidenti amerikan, Joe Biden, tha se tani ishte "i bindur" se presidenti rus, Vladimir Putin, ka vendosur të pushtojë Ukrainën.

Ndonëse për javë të tëra kishte thënë se SHBA-ja nuk ishte e sigurt nëse Vladimir Putini kishte marrë vendimin përfundimtar, presidenti Biden tha se gjykimi i tij kishte ndryshuar, duke ju referuar të dhënave të shërbimeve amerikane të zbulimit.

Presidenti Biden përsëriti kërcënimin e tij për vendosjen e sanksioneve ekonomike dhe diplomatike kundër Rusisë nëse ajo pushton Ukrainën, duke i bërë thirrje presidentit rus të rishqyrtojë veprimet e tij.

Ai tha se Shtetet e Bashkuara dhe aleatët e saj perëndimorë ishin më të bashkuar se kurrë për t’u siguruar që Rusia të paguajë një çmim të lartë nëse hidhet në pushtim të Ukrainës/ VOA

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Rama akuzon PD-në: Nxit akte anti-shqiptare në tokë të huaj

Rama akuzon PD-në: Nxit akte anti-shqiptare në tokë të huaj

24 Nëntor, 13:57