Kthimi i Holandës në narko-shtet, shqetëson policinë e këtij vendi

Disa ditë më parë një grup deputetësh holandezë që vizituan Tiranën shprehën shqetësimin për shtimin e grupeve kriminale shqiptare të përfshirë në trafikun e drogave të forta në Holandë.

Ndërkohë gjatë një takimi në kuadër të Ditës se Europës, kreu i kuvendit Gramoz Ruçi, duke marrë shkas nga deklaratat e kolegëve të tij holandez deklaroi:

Nuk mund ta njollosin Shqipërinë një grusht kriminelësh në Holandë. Prostitucionin dhe drogën nuk e shpikën shqiptarët, por e gjetën në Europë. Kanabisi është një njollë e zezë për Shqipërinë, por fara e kanabisit dhe teknologjia vjen nga Holanda. Edhe tregu i shitjes së kanabisit është Holanda.

Gramoz Ruçi, kreu i Kuvendit të Shqipërisë

Prestigjiozja britanike The Guardian, këtë të enjte i ka kushtuar një artikulll të gjatë trafikut të drogës në Holandë. Një raport nga Sindikata e policisë holandeze ka paralajmëruar se shteti holandez po fillon ti ngjajë një narko-shteti.

Sipas shifrave të publikuara shihet një prirje në rënie, por policia thotë se shumë nga viktimat kanë ndaluar raportimin e incidenteve kriminale.

Dedektivët shohin teksa pjestarët e grupeve kriminale të vogla shëndërrohen në sipërmarrës të pasur në disa fusha të ndryshme të vendit, si në tregun e shtëpive, agjenësitë e udhëtimit etj.

Gazeta prestigjioze e ka shkruar artikullin bazuar në dëshmitë e 400 agjentëve të policisë, të cilët thonë se Holanda përmbush karakteristikat e një narko shteti. Detektivët u shprehën se shohin paralel një ekonomi që po lulëzon.

Njohësit e problematikave të drogave janë skeptikë ndaj shitjes së kanabisit në kafenetë dhe statusin ligjor të prostitucionit në vend, nga kjo pretendojnë se Holanda është promovuar pa dashje si një qendër e madhe për trafikimin e drogës dhe njerëzve.

Një pjesë e madhe e drogës në formën e ekstazës në Evropë dhe në SHBA vjen nga laboratorë në jug të vendit, të cilat gjithnjë e më shumë drejtohen nga bandat marokene të përfshira në prodhimin e kanabisit. Gjysma e 5.7 miliard euro në vit të kokainës në Evropë vjen përmes portit të Roterdamit, sipas Europolit.

Sindikata e policëve kërkoi rekrutimin shtesë të 2000 oficerëve.

Sipas raportit të Prokurorisë së Përgjithshme ka pasur një rënie prej 25% të numrit të krimeve të regjistruara gjatë nëntë viteve të fundit, në më pak se 1milion, por gazeta raportoi se 3.5 milion krime janë të paregjistruara çdo vit.

Kryebashkiaku i Amsterdamit dhe shefi i policisë të kryeqytetit Holandez thanë së ka një rritje të bandave kriminale dhe një zhvendosje e krimit të organizuar nëpër lagje, të padepërtueshme(te pazbuluara) nga ana e forcave policore.

Shefi i policisë së Amsterdamit, Pieter-Jaap Aalbersberg tha që të rinjtë holandezë mund të kryenin një vrasje edhe nën ofertën e 3000 eurove, ndërkohë që vite më parë, një gjë e tillë ishte e nevojshme të vinin profesionistë nga jashtë vendit, nën shifrën e 50 mijë eurove.

Në raport thuhet se pre e sulmeve kriminale zakonisht janë të moshuarit, në veçanti, vjedhja, mashtrimi dhe dhuna ndaj të moshuarve dhe personave të prekshëm është rritur jashtëzakonisht shumë dhe vëmendja e pamjaftueshme i është kushtuar kësaj.

Ministri holandez i Drejtësisë Ferd Grapperhaus  pranoi se është një sinjal që ne duhet të marrim seriozisht. Kjo qeveri e njeh ekzistencën e nevojës për investime në forcat policore.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet që opozita të dalë me një kandidat të përbashkët në zgjedhjet e ardhshme vendore?



×

Lajmi i fundit

Rrjedhje gazi në Detin Baltik nga 3 tubacione të Nord Stream, Ukraina: Sulm terrorist i planifikuar nga Rusia

Rrjedhje gazi në Detin Baltik nga 3 tubacione të Nord Stream, Ukraina: Sulm terrorist i planifikuar nga Rusia