Ku Albana, e ku Armela

Albana Vokshi dhe Armela Krasniqi

Albana Vokshi, që ka djegur mandatin për mendt e Lulit dhe Monikës, e sheh ende veten si kryetare e komisioni kuvendor për Median dhe Edukimin. Pas dy vitesh e gjysmë jashtë parlamentit, ajo po përdoret nga selia blu herë për të sulmuar projektet e shkollave, herë rindërtimin, herë shëndetësinë dhë së fundmi edhe procesin e zgjedhjes së kreut të AMA-s. Si një prodhim i KOP-it që Berisha krijoi në 2005 si alternativë, Vokshi nuk ka ushqyer asnjë simpati keto 16 vite në politikë.

Së pari, sepse nga i gjithë ai Komitet i Orientimit të Politikave, ajo dhe Basha janë të vetmet mbetje. E kjo mbijetesë shtojnë dyshimet për lidhje të drejtëpërdrejta me Sali Berishën. Së dyti, kurrë në 8 vite qeverisje ajo nuk mbajti një post zyrtar, por u përdor për ta turrur kundër çdo individi të kampit tjetër politik, me apo pa pushtet qoftë. E pra, Albana që e ka braktisur parlamentin që në 2017 për të bredhur rrugëve në kauzat ‘kap ça t’kapësh’ të PD-së, sot i është kundërvënë kandidaturës që kaloi fazën e parë për kreun e  Autoritetit të Mediave Autovizive, Armela Krasniqi.

Është e drejta e Albanës që politkisht dhe personalisht të mos e pelqëje Armelën në krye të AMA-së. Sigurisht, ajo do dëshironte që AMA-n ta drejtontë e motra, Vjollca Vokshi, që shqiptarët e ‘simpatizonin’ po kaq shumë sa Albanën vetë. Por ç’e do! Kur s’i përgjigjesh ftesave për tryezën e tërmetit, tryezën e pandemisë, bashkëpunimin paszgjedhor e të tjera, e fundit që do pyetej PD-ja do të ishte AMA. Albana e harron që Armela vjen tek AMA pas drejtimit të Agjencisë Telegrafike Shqiptare. Ky institucion në kohën e Saliut të Albanës dhe Vjollcës drejtohej nga Edi Paloka.

Se kush janë të gjithë personazhet e përmendur në fjalinë e mëparshmë, shqiptarët e dinë mirë dhe e bëjnë lehtë dallimin për cilësinë e udhëheqjes që nga ATSH, tek qeveria. Armela është e vetmja që në krye të ATSH vajti e përcolli konferenca e takime ndërkombëtare, duke e bërë agjencinë një urë lidhëse e shkëmbimi informacioni. Një ëebfaqe që i referohen të gjithë sot, e që kurrë s’u akuzuar qoftë edhe nga Albana për keqpërdorim njëpartiak në 8 vite.

Ndryshe nga Albana që mban mbiemër të Kosovës dhe që kurrë s’ka shpjeguar ndonjë lidhje me Kosovën, Armela është nusja e djalit të Sulejman Krasniqit. Dhe ndoshta Albanën s’e kanë informuar që ky i fundit ka qenë burri i tezes së Lulzim Bashës. Madje, kreu i PD e përdori në ditën e tij më të errët emrin e Sulejman Krasniqit, si idhull e mentor të tij. Më saktë, kur iu faneps ai sikleti i kasetës së Krushës.

“Një rol të rëndësishëm për mua për Kosovën kanë luajtur librat e letërsisë sonë patriotike të shkrimtarit Sulejman Krasniqi, burri i tezes sime” – pat thënë Basha pak muaj më parë teksa shfaqej atdhetar e luftëtar. Ndërsa për familjen e Albanës dimë vetëm që ia kanë thirrur bashkëshortin në Prokurori dhe që e motra bënte zëdhënësen e Berishës nga studio e RTSH. Sa i përket profesionalizmit gazetaresk të “gjyqtares” Vokshi, atë e kemi njohur kur Albana i hapi derën Ekrem Spahisë në pushtimin e RTSH në 1998…

Ndoshta i ekzagjeruar deri diku ky sqarim, por mirë është që lexuesi t’dijë, kryesisht sepse PD mban flamurin për luftën e klasave edhe sot e kësaj dite dhe s’lë vrimë pa rrëmuar. Tani merreni me mend vetë, ku Albana, e ku Armela…

I.K.//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Veri: 24/06/2021 18:41

    Porse prape problemi mbetet i njejte. Qe nje organ mbikqyres i supozuar i pavarur nga perkatesia apo anesia partiake, vijon te mbetet nen kryesimin nga individe me background partiak. Albana dhe Amelia jane ku e ku...njesoj, si dy pika uji por te pozicionuar ne skaje ekstreme te politikes.

    Përgjigju
  • Sondazhi i ditës:

    Kush i fiton zgjedhjet e pjesshme vendore të 6 marsit?



×

Lajmi i fundit

John

Takimi i ‘sikletshëm’ virtual i Putinit dhe biznesmenëve italianë, mes tensioneve të perëndimit