POP 5

Lajmet më të lexuara të 5 minutave të fundit

Kronikë

Kuçovë, përleshen simpatizantët
e PS dhe LSI, ndërhyn policia

Tensionet elektorale mes PS dhe LSI kanë zbritur edhe në bazë. Në Kuçovë, eksponentët e dy partive janë përfshirë në një konflikt fizik, ndërsa është dashur ndërhyrja e policisë për të shmangur incidentet. 
Tensionet mes PS dhe LSI, në pikun e fushatës elektorale, kanë zbritur edhe në bazë. 

Në Kuçovë, eksponentët e dy partive janë përfshirë në një konflikt fizik, ndërsa është dashur ndërhyrja e policisë për të shmangur incidentet. 

Policia ka proceduar në gjendje të lirë E.M 39 vjeç dhe T.M, 30-vjeç, të dy banues në Kuçovë, pasi janë konfliktuar me V.Q 54 vjeç, banues në Kuçovë, si dhe kanë kundërshtuar punonjësit e policisë në momentin e ndërhyrjes.

Mësohet se tre personat e përfshirë në konflikt janë simpatizantë të PS dhe LSI dhe shkak i përplasjes ka qenë pikërisht debati për çështje politike. 

Qarku i Beratit njihet si bastion i të majtës, ndërsa përplasja më e ashpër pritet të jetë ajo mes PS dhe LSI, nisur edhe nga përplasjet e fundit mes dy forcave politike aktualisht në koalicion qeverisës. 

Njoftimi i policisë:
Më datë 06.06.2017, nga Seksioni për Krimet, filloi procedimi penal në gjendje të lirë për shtetasin:

· E.M 39 vjeç, banues në Kuçovë,

· T.M 30 vjeç, banues në Kuçovë.

Procedimi penal ndaj këtyre shtetasve filloi pasi në lagjen “Llukan Prifti” janë konfliktuar me shtetasin V.Q 54 vjeç, banues në Kuçovë, si dhe kanë kundërshtuar punonjësit e policisë në momentin e ndërhyrjes.

Materialet i kaluan Prokurorisë së Rrethit Gjyqësor Berat, për veprat penale ‘’Mosbindja ndaj urdhërit të punonjësi të policisë’’, ‘’Kanosja’’ dhe ‘’Prishja e qetësisë publike’’, parashikuar nga nenet 242, 274, 84 dhe 25 të Kodit Penal.

Redaksia Online
l.q/Shqiptarja.com

/Shqiptarja.com
  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Interi propozon shkëmbimin e Kristjan Asllanit me talentin e Serie A

Interi propozon shkëmbimin e Kristjan Asllanit me talentin e Serie A

5 Janar, 22:54