Në funksion të mbarëvajtjes së sezonit turistik, policia ka marrë masa për të bllokuar lëvizjen e kamionëve përgjatë autostradës Tiranë-Durrës dhe rrugës Tiranë-Rinas. 

Kjo është bërë e ditur përmes një njoftimi për shtyp të Policisë së Tiranës, ku mësohet se automjetet e tonazhit të rëndë s'do lejohen të qarkullojnë në autostradën Tiranë-Durrës dhe Tiranë-Rinas nga ora 06:00 deri në 22:00. 

Në vend të autostradës, kamionët mund të kalojnë në segmentet Rrugorë Tiranë - Ndroq - Durrës dhe Tiranë - Kamëz. 

Këto masa do të vijojnë deri në mbyllje të sezonit turistik 2017. 

Masat e marra nga Policia për turizmin:
Për qëllim të mbarvajties së sezonit turistik Verë 2017, Drejtoria Vendore e Policisë Tiranë, në bashkëpunim me Drejtorinë Rrugore në Drejtorinë e Përgjithshme të Policisë së Shtetit, kanë marra masat:

Ndalimin e qarkullimit të mjeteve të tonazhit të lartë nga ora 06:00 deri në orën 22:00, në segmentet Rrugorë,

Autostrada Tiranë - Durrës 
Vorë - Rinas

Mjetet e tonazhit të lartë mund të kalojnë në segmentet Rrugorë,

Tiranë - Ndroq - Durrës
Tiranë - Kamëz

Këto masa do të vazhdojnë deri në përfundim të sezonit turistik Verë 2017

Gjithë drejtuesit e automjeteve të bëjnë kujdes me respektimin e rregullave të përcaktuara në Kodin Rrugorë, duke mbajtur distancat e sigurisë midis mjeteve dhe respektimit të limiteve të shpejtësis. 

Redaksia Online
l.q/Shqiptarja.com