Në rrjetin social Facebook me emrin “Posta Shqiptare” është hapur një faqe të martën e 18 shtatorit. Postimi i parë shfaq një super ofertë ndaj qytetarëve, por që në fakt, rezulton të jetë një nga mashtrimet më të mëdha, që po qarkullon së fundi edhe në Shqipëri.
Personat pas kësaj faqeje, reklamojnë disa kuti të mbyllura kartoni me mbishkrimin “Posta Shqiptare”, duke deklaruar se janë pako të porosive që për arsye të ndryshme kanë mbetur në magazinat e postës pa shkuar në destinacion. Për të pasur përhapje sa më të gjerë, hakerat kanë bërë sponsorizimin e faqes, në mënyrë që të shpërndahet tek sa më shumë përdorues të Facebook.
Faqja pas të cilës fshihen mashtrues, i ka nxjerrë në ofertë këto pako, duke ia ofruar qytetarëve të interesuar, t’i blejnë me çmimin 236 lekë.
"Çdo vit, Posta Shqiptare mbledh paketa të braktisura. Sipas rregullave, Posta Shqiptare mund t'i menaxhojë këto dërgesa të papranuara. Por tani prezanton zbulime të papritura vetëm për 236 LEK. Kur hapni këto paketa, përgatituni të gjeni një gamë të ndryshme të objekteve, nga pajisjet elektronike deri te artikujt e shtëpisë, dhe ndoshta edhe aksesore ose dhurata të papritura"
Për tu bërë të besueshëm, mashtruesit kanë hapur disa profile të rreme kryesisht me emra të huaj, për të komentuar në këtë postim, si provë se shumë prej tyre i kanë blerë pakot dhe kanë qëlluar me fat duke përfituar telefona, kamera, tharëse orë, dhe sende të tjera, që sigurisht nëse do të ishte gjithçka reale, kanë vlerë shumë më të madhe se sa 236 lekëshi që paguhet për pakon surprizë.
Faqja e rremë e hakerave online i kërkon qytetarëve që të aplikojnë me një klikim të vetëm, por në fakt, të ftojnë drejt një skeme mashtrimi, që mund të jetë një virus për të vjedhur të dhënat personale, apo mund të ofrojë dhe hapat për të bërë pagesën 236 lekë për kuti.
E njëjta skemë mashtrimi po në Facebook, dhe gjithashtu me të njëjtin çmim, 236 lekë, është përdorur në Shqipëri, ndoshta nga të njëjtët haker, edhe për valixhet. Hakerat që e përhapën këtë mashtrim gjatë kësaj vere, pretendonin se kompania e çantave dhe valixheve ‘Samsonite’ kishte mbyllur një nga qendrat e saj dhe për këtë arsye, po ofronte produktet me çmime të lira.
Posta Shqiptare ka bërë një reagim në rrjete sociale për mashtrimin online që po bëhet nga hakerë të ndryshëm nën logon e postës. Në një komunikim zyrtar, posta shqiptare njofton për problematikën si dhe ndan adresat zyrtare në mënyrë që klientët të mos bien pre e abuzimeve online.
Njoftim me rëndësi!
Posta Shqiptare bën me dije për të gjithë klientët e saj se në rrjetet sociale është hapur një adresë me emrin e institucionit tonë, duke abuzuar me reklamimin e shërbimeve të cilat nuk ofrohen nga ne.
#PostaShqiptare rikujton çdo qytetar se adresat tona zyrtare janë si më poshtë:
https://www.postashqiptare.al/
https://instagram.com/posta_shqiptare?
Posta Shqiptare ka bërë një reagim në rrjete sociale për mashtrimin online që po bëhet nga hakerë të ndryshëm nën logon e postës. Në një komunikim zyrtar, posta shqiptare njofton për problematikën si dhe ndan adresat zyrtare në mënyrë që klientët të mos bien pre e abuzimeve online.
Lajme të tjera
-
Përvetësonin pensionet dhe ndihmën ekonomike, arrestohen 7 punonjës të Postës Shqiptare në Dibër, Shkodër dhe Tropojë! Dëm shtetit 33 mln lekë
7 Shtator 2023, 11:24 -
Udhëtim në kohë, pullat postare dhe rrugëtimi i pandalshëm i Posta Shqiptare
7 Mars 2023, 10:23 -
Posta Shqiptare, gjithmonë duke ‘përqafuar’ risi
28 Shkurt 2023, 12:47 -
FOTOLAJM/ Surpriza e veçantë, Posta Shqiptare emeton pullë për 15-vjetorin e Pavarësisë së Kosovës
17 Shkurt 2023, 16:38 -
Për suksesin e biznesit tuaj, mendon Posta Shqiptare
15 Shkurt 2023, 16:37 -
Puna e pareshtur e Postës Shqiptare për të rinj të realizuar e të suksesshëm
30 Janar 2023, 14:59 -
Mes ndryshimeve të kohës, Posta Shqiptare mendon për të gjithë
15 Janar 2023, 15:25 -
U dhunua nga dy të rinj, drejtori i Postës së Lezhës: Sulm politik! Policia: Dyshohet të ketë ndodhur për motive personale, autorët ende në arrati
27 Dhjetor 2022, 10:38 -
Dhunohet drejtori i postës shqiptare në Lezhë, 2 autorët largohen me vrap
26 Dhjetor 2022, 18:13 -
110 vite pasion, traditë dhe zhvillim! 110 vite Posta Shqiptare
16 Dhjetor 2022, 12:19 -
Vidhet gjatë natës posta në Berat, hajdutët marrin 10 mijë lekë
24 Nëntor 2022, 12:47
-
Emërohet drejtori i ri i postës shqiptare
26 Tetor 2022, 12:35
