Një ditë para ndeshjes mes Kukësit dhe Rudar Pljevlja skuadrës malazeze e cila do të luhet mbrëmjen e së enjtes në Elbasan Arena policia publikon masat për sigurinë në stadium edhe pse skuadra e Kukësit nuk do të ketë tifozët për shkak se është dënuar sezonin e kaluar nga UEFA.

Policia njofton se ka marrë një sërë masash organizative në drejtim të sigurimit të rendit dhe qetësisë, për zhvillimin sa  më  normal të ndeshjes e cila është e vlefshme për kompeticionin Europa League.

Do të ketë disa kufizime përballë stadiumit për parkimin e makinave dhe disa akse do të bllokohen, Ja njoftimi i policisë:

-Nuk do të lejohet parkimi i automjeteve   përreth  dhe përballë stadiumit,deri në përfundim të ndeshjes.

-Nga “Kryqëzimi i  rrugës së tapetave”  deri  tek  “Ish Konservimi” nuk do të lejohet parkimi dhe qarkullimi i mjeteve

Lidhur me ndeshjen do të angazhohen 110  punonjës  policie,  nga  Drejtoria Vendore  e  Policisë    Elbasan.

Të  gjitha  lokalet që ndodhen, përreth Stadiumit, nga ora 18:00 dhe deri në përfundim të ndeshjes, të marrin masa  të jenë të mbyllura.

Drejtoria Policisë  Elbasan i  kërkon qytetarëve që të   minimizojnë  më  datë   30 Qershor   lëvizjen e tyre me automjet   brënda  qytetit  të  Elbasanit, ç’ka do të   sillte   një  ndihmesë  të  madhe  në  zhvillimin   sa  më  normal  të   këtij  aktiviteti. Duke falenderuar qytetarët për mirëkuptimin dhe mediat për bashkëpunimin!

Redaksia online
(s,m/shqiptarja.com)