Në një fshat të Kukësit është shfaqur pas 15 vitesh sëmundja e Antraksit, ku kanë ngordhur disa bagëti. Ka nisur menjëherë fushata e vaksinimit për 450 krerë të imta, ndërsa veterineri tregon për rreziqet e kësaj sëmundje ngjitëse dhe të rrezikshme edhe për njerëzit.
Në fshatin Nangë të Kukësit është shfaqur pas 15 vitesh sëmundja e Antraksit, njohur ndryshe si sëmundja e plasjes, që prek bagëtitë e imta dhe të gjedhit. Fermerët e zonës shprehen të shqetësuar dhe kanë kërkuar vaksinimin e bagëtive. Ekrem Onuzi, është njëri prej tyre që vaksinoi 120 bagëtitë dele të fermës së tij ndonëse asnjë prej tyre nuk është infektuar.
“Sa dëgjova se ka ndodhur plasja tek një bashkëfshatar i imi mora në telefon veterinerin dhe tani jam duke bërë vaksinimin e tufës sime. Vaksinimi duhet që të mos na ndodhë një përhapje e madhe sepse mishi e qumështi shkon tek konsumatorët në qytetin e Kukësit”, tha Ekrem Onuzi, fermer.
Përgjegjësi i Veterinarisë në Kukës Bajram Peposhi tha se pak ditë më parë janë njoftuar për dy raste, pra kafshë që kanë ngordhur brenda 24-orësh dhe nga analizat rezultoi se janë prekur nga Antraksi. Me shfaqjen e sëmundjes ka nisur menjëherë vaksinimi në të gjitha fermat e fshatit. Në total do të vaksinohen 300 krerë të imta dhe 150 krerë gjedhe.
“Është konfirmuar pozitive me Antraks një lopë në fermën e një fermeri. Kjo problematikë na bën të marrim masa për vaksinimin e të gjithë krerëve në fshatin Nangë të njësisë Bicaj. Kemi organizuar punë dhe kemi njoftuar fermerët për vaksinimin që kryhet falas. Për 15 ditë nuk duhet të dalë në treg mishi dhe as qumështi i bagëtive të vaksinuara. Njerëzit duhet të kenë kujdes. Pra për çdo ngordhje të papritur në tufa duhet të njoftojnë shërbimin veterinar”, tha Bajram Peposhi, Përgjegjës i Shërbimit Veterinar ne Kukës.
Pjesë e kësaj fushate do të jetë edhe sensibilizimi fermerëve të Kukësit pasi sëmundja e plasjes është e rrezikshme jo vetëm për kafshët por edhe për njerëzit, kryesisht për blegtorët e kasapët që janë në kontakt të drejtpërdrejtë me kafshët. Plasja prek njeriun duke depërtuar nga një dëmtim ose gërvishtje të lëkurës pas kontaktit të drejtpërdrejtë me kafshët e infektuara ose produktet e tyre. Njerëzit mund të infektohen edhe duke konsumuar mish të bagëtive të infektuara.
Lajme të tjera
-
Reshje bore në Rrugën e Kombit, lëvizni me kujdes! Trashësia 5 cm në Tunelin e Kalimashit! Mungesë energjie në fshatrat e Kukësit dhe Korçës
23 Nëntor, 11:28
-
Tropojë/ Ishin të dehur, i riu vret 43-vjeçarin në lokalin e fshatit, dy grupe të FKS-së së Shkodrës për arrestimin e autorit (EMRAT)
22 Nëntor, 14:35 -
Moti i keq/ Disa fshatra pa energji elektrike në Kukës! Fierza në ‘krizë’ për ujë
22 Nëntor, 12:35 -
Stuhi në gjithë vendin/ Mijëra banorë pa drita! Anulohen lundrimet Durrës-Bari! Mbyllet spitali i Pukës, uji hyn në pavijone! Dukagjini në izolim (VIDEO)
22 Nëntor, 10:11 -
Ministri Hoxha prezanton drejtorët e Kukësit dhe Dibrës: Të krijojmë mjedise të sigurta në shkolla, rrugë, lagje e kudo
19 Nëntor, 15:26 -
'Erdhi' dimri, bora e parë në Pukë, Fushë-Arrëz, Librazhd dhe Shishtavec të Kukësit! Pamje nga zonat malore veshur me petkun e bardhë
15 Nëntor, 15:07 -
Buxheti do rishikohet për herë tretë në dhjetor, Ministria e Bujqësisë kërkon 2 mld lekë për të likuiduar fermerët që kanë aplikuar për Skemën Kombëtare
13 Nëntor, 16:04
-
Kukës, nënat me fëmijë të vegjël në krahë apel bashkisë: Bëni trotuaret! Rrezikojmë jetën duke ecur në rrugën e makinave
9 Nëntor, 17:01
-
‘Për hajër ura e madhe e Kukësit’, Rama 'thumbon' dhe kritikët: Lutje për ata që thoshin u ndryshk, shani sa më shumë se na shtoni inatin për punë! (VIDEO)
4 Nëntor, 21:14 -
Hapet Ura e Madhe në Kukës, merr pjesë në inagurim kryeministri Rama, pritet me këngë dhe valle! Planet me dron
4 Nëntor, 13:40 -
Shkëlqimi dhe fundi pa lavdi i ‘Turizmit të Ri’ të Kukësit
4 Nëntor, 11:26 -
Shqipëria dhe Kosova në sytë kuriozë të turistëve aziatikë: Një rajon mahnitës me tradita e histori
28 Tetor, 15:23
