Kukësi fiton me përmbysje, Laçi merr humbjen e parë në kampionat

Pas disfatës me Partizanin, Kukësi është rikthyer te fitoret në kampionat pasi ka mposhtur me përmbysje 1-2 Kastriotin. Krutanët kaluan të parët në avantazh, teksa në minutën e 21 braziliani Roxher mposhti portierin Frashëri. Ishte pikërisht ky i fundit që në pjesën e dytë shkaktoi një penallti, por për fatin e mirë të verilindorëve e priti duke i mos i dhënë mundësi vendasve të dyfishonin rezultatin.

Ky episod duket se zgjoi skuadrën e Cungut që në minutën e 55-t barazoi shifrat me Shametin që realizoi me kokë. Goli i përmbysjes do të vinte pak para fundit. Ishte braziliani Melo ai që i dha fitoren Kukësit, por që njëkohësisht ndikoi edhe që trajneri Plori i Kastriotit të jepte dorëheqjen pas ndeshjes.

Ndërkohë Laçi ka marrë humbjen e parë në kampionat pasi është mposhtur 0-3 nga Laçi në javën e 9-t të Superligës. Ndeshja nisi në malore për kurbinasit pasi Xhixha që në minutën e 3-t të ndeshjes u ndëshkua me karton të kuq. Deri në përfundimin e lojës durrsakët shënuan tre gola, dy me sulmuesin Latif dhe nji me Gerhard Prognin.

Me këtë rezultat Teuta ngjitet përkohësisht në vendin e 5-t me 14-t pikë, 2 më pak se Laçi I vendit të katërt.

TAG:
• superliga