Kukësi është një ndër klubet më aktive në ditët e para të merkatos të verës i kushtëzuar edhe nga pjesmarrja në eliminatoret e Europa League, pasi me datë 18 do të mësojë edhe kundërshtarin në turin e parë.
Pas dy zyrtarizimeve të portierit Avdyli dhe futbollistit Emiliano Musta pak ditë më parë, verilindorët kanë hedhur të zezën mbi të bardhë edhe për sulmuesin Mark Van Basten Çema. Nëpermjet faqes zyrtare klubi ka njoftuar se ka firmosur për dy vite me 21-vjeçarin i cili sezonin e fundit ka qenë pjesë e Dinamos në kategorinë e parë.
Në të kalurën Çema është aktivizuar në ekipet e moshave të Tiranës dhe Partizanit, ndërsa ky është një hap i rëndësishëm në karrierë.