Sot në Shqipëri ka dy “parti politike” përtej gjithë partive të regjistruara në gjykatë: Partia e Listave të Hapura dhe Partia e Urrejtjes Ndaj Votës! Anëtarët e partisë së dytë janë shtrirë në të gjitha partitë politike. Janë produkt i sistemit të mbyllur të 2008 e që s’kanë zhvilluar asnjë garë e as debat brenda dhe jashtë partive, pra në zgjedhje.
Bërtasin tërë ditën për “demokraci, votë, zhvillim” e ndërkohë e urrejnë votën dhe konkurrencën si “djalli temjanin”! Janë të lumtur me emërimin në parlament nga kryetari në 12 pa 5 të natës kushdo qoftë ai apo sigla! Hanë qyl rrogën e emërimit, krekosen me salla bosh e kuti ku vota nuk numërohet por thjesht u lexohet emri “deputet” nga KQZ!
Janë ata që janë dakort me kryetarin ende pa filluar kryetari fjalën në konferenca degësh apo mbledhje kryesie, ansambleje apo këshillash kombëtar! Ky grup i madh ndërpartiak, majtas e djathtas është vetë-emërtuar grupi parlamentar “ha Muço, pi Muço”!
Partia e parë e Listave të Hapura po ashtu ka anëtarë në të gjitha partitë politike! Janë njerëz që kanë kaluar herësin ose kanë qenë shumë pranë kalimit por janë përplasur me “listën e gatshme” që është gatuar në 2008. Ose janë politikanë që duan sfidën, garën e debatin. E shohin politiken si përfaqësim, votë e legjitimitet. Nuk “përloten me shami në dorë” nga fjalimet e shefave por respektojnë institucionet e partive dhe kryetarët si të tillë. Nuk kapin për xhaketë shoferët dhe familjarët e kryetarëve apo biznesemenët afër tyre. Thjesht duan atë për të cilën shumica e shqiptareve dolën në sheshe në dhjetor të 1990: lirinë për të zgjedhur qeverisjen e tyre! Kaq! Kërkojnë të jenë njerëz të lirë.
Deri tani partia e dytë është shumicë por nuk ka të drejtë. Ndërsa partia e parë janë më të paktë nëpër zyrat e parlamentit por përfaqësojnë shumicën e shqiptarëve që u ka ardhur në majë të hundës me “qylaxhinjtë” e listave të mbyllura!
Kjo betejë e heshtur brenda partive dhe e hapur mes partive, është një betejë që ka një rezultat të deritanishëm! Kushtetutën dhe vendimin e Gjykatës Kushtetuese për të HAPUR LISTAT! Beteja vazhdon…./ Marrë nga Facebook
Lajme të tjera
-
Sulmet ndaj SPAK, Kulluri: Shpërthimi i Metës i parakohshëm, fjalori i papranueshëm! Bardhi si Shvejku! Burimi: Shokuese, çfarë shembulli u jep të rinjve
18 Prill, 17:52 -
PD insiston: Pazari Rithemelimi – PS po çmonton reformën zgjedhore
26 Mars, 12:02 -
‘Harku opozitar euro-atlantik’ Basha krijon aleancë të re: Kundër ‘pazarit’ Berisha-Rama! Krah tij edhe Bamir Topi
20 Mars, 11:08 -
Kulluri: Berisha non grata, i papranueshëm për PD! Rama e njohu si kryetar partie, garantoi fitoren e PS më 2025
15 Mars, 19:35 -
Kryebashkiakët e Berishës morën pjesë në mbledhjen e Ramës, ironizon Kulluri: Rresht për një! Mosbindja civile sot arriti suksesin më të madh
9 Mars, 21:08 -
Kulluri: Bardhi, burokrat që u hodh në shpatullat e Berishës për një vend pune! Në Elbasan, mori më pak se gjysmën e votave të Luçiano Boçit
7 Mars, 19:25 -
'Ata e dinë që kjo është një rrugicë qorre”, Kulluri: Bardhi me shokë shkelën vendimin politik, s'do bashkëpunonin me non - grata
6 Mars, 10:20 -
Kulluri: Qeveria e trajton çështjen e Sigurisë Kombëtare si spektakël
5 Mars, 09:23
-
Zelensky kërkon bashkëprodhimin e municioneve/ Kulluri i PD-së në “Përballje”: Propozim interesant! Do i bënte mirë ekonomisë së Shqipërisë
28 Shkurt, 15:14 -
Vizita e Blinken në Tiranë, Kulluri: Thelbi te takimi me Altin Dumanin, tregon prioritetin e SHBA për t'i dhënë fund pandëshkueshmërisë
12 Shkurt, 17:42 -
Kulluri për Berishën: Nuk ka derë të hapur për non-grata në Partinë Demokratike, pavarësisht se sa bërtasin nga ballkoni
30 Janar, 22:25 -
Kulluri në ‘Kontrast’: 'Non grata' është e pakapërcyeshme! Berisha, arsyeja e ndarjes
25 Janar, 19:25
