Kultivuan kanabis në fshatrat e Krujës, 76 vite burg për 11 të pandehur, 1 shpallet i pafajshëm

Tirane- GJKKO shpalli sot fajtorë dhe dënoi me 76 vite burg 11 anëtarë të dy grupeve kriminale të cilët kultivonin kanabis në fshatrat e Krujës, ndërsa shpalli një të pandehur të pafajshëm. Gjykimi i kësaj ҫështje u zhvillua me rregullat e gjykimit të shkurtuar nga trupi gjykues i përbërë nga gjyqtarët Erjon Bani, Flora Hajredinaj dhe Flojera Davidhi.

Hetimet mbi këtë çështje nisën në 2020. SPAK zbuloi me prova se dy grupe kriminale kultivonin disa parcela me bimë narkotike në disa zona të Bashkisë Krujë, konkretisht Njësia Administrative Cudhi, fshatrat Noj, Shkretë, Rranxë, Bruz Mal, Bruz Zall zona këto kufitare me njëra-tjetrën.

Në krye të dy grupeve kriminale që bashkëvepronin me njëri tjetrin ishte Bujar Sefa dhe Skënder Velaj të cilët janë dënuar konkretisht me 10 vite dhe 8.8 vite burg. 

LEXO EDHE:
Abuzim me 2 tendera me vlerë mbi 15.3 mln lekë, GJKKO kalon për gjykim dosjen e ish-kryetares së Bashkisë Patos dhe 6 ish-zyrtarë

Këto grupe kriminale jo vetëm që njiheshin mes tyre por kishin dijeni dhe për aktivitetin e njëri-tjetrit dhe se kishin pasur mbështetjen e strukturave të policisë vendore si dhe ato të administratës lokale, kryesisht punonjësve të policisë dhe kryepleqve të përfshirë dhe ato në aktivitetin e kultivimit, vërtetoi SPAK.

Kultivimi i kanabisit kryhej kryesisht në sipërfaqe tokash me pyll në pronësi shtet, të cilat shfrytëzohen për kullotë nga banorët e zonës. Në kontrollin e ushtruar për kanabisin në fshatrat e Krujës u sekuestruan 145.5 kg lëndë narkotike.

Bujar Sefa dje Skënder Velja u shpall fajtor për akuzat “Kultivim i bimëve narkotike kryer në formën e bashkëpunimit të veçantë atë të grupit të strukturuar kriminal, Prodhim dhe shitje e narkotikëve” kryer në formën e veçantë të bashkëpunimit atë të grupit të strukturuar krimina, “Kryerja e veprave penale nga organizata kriminale dhe grupi i strukturuar kriminal” “Grup i strukturuar kriminal”, në formën e drejtimit parashikuar nga neni 333/a/1 i Kodit Penal.

Ndaj të tjerëve rëndon akuza 'kultivim i bimëve narkotike' kryer në formën e veçantë të bashkëpunimit, atë të grupit të strukturuar kriminal, “Kryerja e veprave penale nga organizata kriminale dhe grupi i strukturuar kriminal” “Grup i strukturuar kriminal”. Të gjithë të pandehurit do të vuajnë dënimin në një burg të sigurisë së lartë. Dosja u dërgua nga SPAK për gjykim në GJKKO në gusht të vitit 2023

(Kliko këtu për të lexuar dokumentin e plotë)

TAG:
• ahmet pulaci
• vait taka
• sabah shehi
• Shkelqim Ismaili
• xhemal zogu
• edison xaka
• asim pulaci
• armand dervishi
• agron asllanaj
• skender velja
• lavderim alimani
• bujar sefa
• GJKKO
• kultivim kanabisi

Sondazhi i ditës:

Skandali tek Onkologjiku, a duhet hetimet të shkojnë përtej mjekëve?

• Po

  92.8%

• Jo

  4.4%

• Nuk e di

  2.8%

Vota total: 2449

Votat totale janë unike

• Sondazhi i ditës:

  Skandali tek Onkologjiku, a duhet hetimet të shkojnë përtej mjekëve?

  Po Jo Nuk e di