POP 5

Lajmet më të lexuara të 5 minutave të fundit

Sport

Kupa e Shqipërisë në peshkim, mbahet në liqenin e Banjës! Peshkatarët: Pasion, e kemi nisur që të vegjël

Është zhvilluar në liqenin e Banjës në Gramsh sezoni i tretë i Kupës së Shqipërisë në peshkim ku kishte edhe shumë pjesëmarrës nga Kosova. Peshkatarët dhe organizatorët shprehen se nga viti në vit numri i pjesëmarrësve dhe cilësia po rritet.

Për të tretin vit me radhë, në Gramsh dhe më konkretisht në liqenin e Banjës, është zhvilluar Kupa e Shqipërisë në peshkim me tape. Ky kompeticion këtë sezon kishte më shumë nuance mbarë kombëtare, pasi shumë sportistë kishin ardhur nga Kosova.

“Kam nisur që 6 vjeç të peshkoj bashkë me babin. Më zgjonte që në 3 të mëngjesit çohu se na iku peshku dhe që atëherë nuk kam hequr dorë,”-u shpreh një peshkatar.

“Kënaqem me këtë lloj sporti me thënë të drejtën. Është shumë argëtues,”-tha një tjetër peshkatar.

“Vij nga Lipjani për tre vite radhazi. Jemi të ftuar nga organizatorët. Peshkimin e kam nisur sot e 50 vite. Ky është një pejsazh i mrekullueshëm që vështirë e ka edhe piktori ta bëjë,”-deklaroi një peshkatar nga Kosova.

Për organizatorët qëllimi kryesor është masivizimi, ndërsa shpjeguan edhe rregullat e garës.

“Çdo vit shtohen edhe më shumë garuesit, shokët e miqtë, dashamirësit e këtij sporti. Më së shumti edhe vëllezërit nga Kosova. Rregulli është ky, që kush kap më shumë peshk. Më pas peshohen edhe del rezultati,”-u shpreh Elidon Brahimi, organizator.

“Ka pjesëmarrës nga të gjitha klubet e Shqipërisë, por edhe nga jashtë Shqipërisë. Siç është rasti i disa grupeve nga Kosova, për të cilën gjej rastin ti falënderoj jo vetëm për pjesëmarrjen, por edhe mbështetjen që i kanë dhënë aktivitetit,”-tha Besjan Ajazi, kryetar i bashkisë Gramsh.

Fitues i Kupës u shpall Osman Krasniqi, ndërsa vendin e dytë e zuri Bujar Krusha.

 

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 23 Janar, 09:41

    Secila parti në zgjedhje me 46 deputetët e parë të fiksuar, si e vlerësoni?

Lajme të tjera



×

Lajmi i fundit

Përplasjet për emrin, Athina deklaroi se 'çështja e Maqedonisë së Veriut është mbyllur', reagon Mickoski: E papërgjegjshme! Do korrigjohen këto padrejtësi

Përplasjet për emrin, Athina deklaroi se 'çështja e Maqedonisë së Veriut është mbyllur', reagon Mickoski: E papërgjegjshme! Do korrigjohen këto padrejtësi

24 Janar, 07:31