X

POP 5

Lajmet më të lexuara të 5 minutave të fundit

Sport

Kuqezinjtë i favorizon historia me Kazakistanin/ Manaj dhe Bare: Të fitojmë për të lënë pas zhgënjimin kundër Lituanisë

Rei Manaj dhe Keidi Bare thonë se i vetmi opsion për të harruar humbjen në ndeshjen e kaluar kundër Lituanisë është që Kombëtarja të mposhti Kazakistanin në ndeshjen e ardhshme.

Humbja me Lituaninë ka lënë mbresa aspak të mira edhe te futbollistët e Kombëtares, të cilët njëzëri deklarojnë se dy sfidat e radhës në Ligën e Kombeve duhet të fitohen me patjetër. 4 ditë para ndeshjes me Kazakistanin Rei Manaj vë theksin te vetëbesimi që duhet të kenë kuqezinjtë.

“Duhet t’i fitojmë këto ndeshje. Duhet të futemi në fushë të përqendruar dhe me vetëbesim te kualiteti ynë. Synimi është fitorja. Me Kazakistanin duhet të futemi në fushë me besim te vetja dhe të marrim maksimumin,”-deklaroi Manaj.

Ndërkohë Keidi Bares nuk i del e keqja me humbjen në sfidën e kaluar dhe deklaron se kundër Kazakistanit ka vetëm një objektiv.

“Ndaj Lituanisë nuk dhamë maksimumin dhe nuk ishim të përqendruar. Mendoj se në ndeshjet e ardhshme do bëjmë më mirë dhe do marrim rezultate pozitive,”-u shpreh Bare.

Kundër Kazakistanit Shqipëria ka luajtur në dy raste në eliminatoret e Botërorit 2006 dhe janë fituar të dyja.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Protesta/ Nga ora 09:45 bllokim qarkullimi në bulevardin pranë Bashkisë së Tiranës! Policia thirrje: Shmangni aktet e dhunës

Protesta/ Nga ora 09:45 bllokim qarkullimi në bulevardin pranë Bashkisë së Tiranës! Policia thirrje: Shmangni aktet e dhunës

26 Prill, 07:32