POP 5

Lajmet më të lexuara të 5 minutave të fundit

Ekonomi

'Kur të vdes mos më bëni gjellë me patate!' Fermeri tregon amanetin e të atit pasi pa stokun e madh të prodhimit. ‘Lufta’ ndaj prodhimeve vendase, tregun ‘e mbyt’ importi!

"Report tv" reportazh në Zvirinë të Maliqit, një ndër zonat më prodhuese në vend, ku patatet e qepët kanë mbetur pa shitur për shkak të konkurencës nga prodhimet e importit, kryesisht Kosova dhe Maqedonia e Veriut.

Mes produkteve të shumta bujqësore të cilat kanë mbetur stok apo shiten nën koston e prodhimit janë patatja dhe qepa. Aktualisht në tregun e shumicës 1kg patate tregtohet me 25 lekë ndërkohë që duhet të tregtohet me 30 lekë për të qenë në kosto. Po në të njëjten vlerë tregtohet 1 kg qepë.

Julian Guri është një ndër fermerët më të mëdhenj të Maliqit i cili tregon se shkak i falimentimit të tyre është konkurenca e produkteve të Kosovës. Patatja dhe qepa e Kosovës hyjnë në Shqipëri me çmim më lirë për shkak të subvencionimit.

“Ne jemi të mbaruar këtë vit, nuk kemi shitur asgjë, humbja është shumë e madhe. Unë do heq dorë nga bujqësia. Ma ka lënë amanet babai: Kur të vdes mos më bëj gjellë me patate”, shprehet i dëshpëruar, Julian Guri.

Isuf Sari është një tjetër femer i zonës së Zvirinës në Maliq i cili i revoltuar thotë se qeveria duhet të ndryshojë taksën doganore, në mënyrë që në treg të dalë prodhimi vendas.

“Shteti për dy muaj duhet ti mbyllë doganat ose të vendosë taksë se ne s’po shesim asgjë. Unë kam shpenzuar paratë e pensionit për të blerë pesticidet, tani gjithë prodhimi ka mbetur në fushë. S’kemi nga ta çojmë, nuk vjen njeri ta marrë prodhimin”, tha i moshuari.

Igli Hoxhaj një fermer i ri i Zvirinës i cili kultivon 3 hektarë patate dhe qepë, pasi u kthye nga emigrimi nisi të merret me bujqësi së bashku me familjen e tij. Sot shprehet i penduar pasi mungesa e tregut dhe çmimet nën kosto po e detyrojnë të braktisë këtë sektor. Edhe fermeri Sali Dervishi ankohet së këtë vit mundi i tij ka shkuar dëm pasi nuk ka shitur asnjë prej prodhimeve bujqësore.

Në këto kushte, fermerët kanë nisur të magazinojnë në kavaleta qepët, ndërsa për pataten gjenden në vështirësi pasi nuk kanë ambiente për magazimin e saj.

Sipas të dhënave nga Drejtoria e Bujqësisë në Bashkinë Maliq, në gjithë zonën kultivohen 780 hektarë me patate dhe 850 hektarë me qepë.

R.D/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 10/08/2024 01:53

    Korcaret jane te ankuarit e te pakenaqurit e perjetshem! S.d.q,pataten perpunoheni,beheni niseshte e miell patateje,kurse qepen mund t'a thani e t'a beni pluhur qepe qe perdoret ne gatim si erez.

    Përgjigju
    • ca thu: 10/08/2024 23:46

      po a e din se per ket qe the duen makineri te reja pervec atyre si kan per te punuar,sa kollai si e gjete sgjidhjen.thirri mendjes

  • Emigranti: 09/08/2024 20:21

    Eshte normale qe nuk ju shiten keto dy prodhime,jane te nje cilesie shume te keqe. Si qepet dhe patatet jane te prishura,per te gatuar nje kg patate duhet te bleshe dy kg dhe po ashtu edhe qepet.

    Përgjigju
  • Xnjxdj: 09/08/2024 11:54

    Titull qesharak e medioker sic jeni vete.

    Përgjigju
  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Akti Normativ/ Punonjësit me paga të ulta në administratë do marrin shpërblim! Qeveria i jep kredi Albcontrol, shkurton fondet për institucionet

Akti Normativ/ Punonjësit me paga të ulta në administratë do marrin shpërblim! Qeveria i jep kredi Albcontrol, shkurton fondet për institucionet

21 Dhjetor, 14:34 nga Eliza Gjediku