POP 5

Lajmet më të lexuara të 5 minutave të fundit

Sociale

Kurbin/ 4 vite nga tërmeti, familja Murati jeton ende në konteiner: Jemi në qiell të hapur, nuk marrim më as bonusin e qirasë

Në mes shumë familjeve të prekura nga tërmeti shkatërrues i 4 viteve më parë është edhe familja Murati në Kurbin. 5 pjesëtarët e saj prej 26 nëntorit 2019 jetojnë në konteiner, pa asnjë shpresë për rindërtimin e shtëpisë tyre. Por prej 7 muajsh ata nuk marrin as bonusin e qerasë nga bashkia e Kurbinit.  

Familja Murati, në Shullaz të Kurbinit, prej 4 vitesh pret lajme për rindërtimin. Banesa e tyre u dëmtua nga lëkundjet e forta sizmike të 26-nëntorit në 2019 dhe 6 muaj më parë u shemb për t’i hapur rrugë rindërtimit, por puna ende nuk ka nisur.

Të gjendur në kushte të vështira 5 pjestarët e familjes Murati, edhe dimrin e pestë do ta presin pa strehëz. Konteineri është bërë banesa e tyre prej vitesh, por tashmë prej muajsh nuk marrin më as bonusin e qerasë.  

“Akoma banorët e kurbinit jetojnë në qiell të hapur, gjysmën e shtëpisë ma ka zënë tërmeti, gjysmën ma ka shembur shteti. Shikoni ku i kam rrobat, frigoriferin, 4 vite në qiell të hapur. Bashkia thotë që nuk është dhën ende bonusi nga shteti, prej prillit nuk marrim bonusin e qerasë”,- është shprehur kryefamiljari Tahir Murati.

E zonja e shtëpisë Dëshira Murati tashmë e ka humbur shpresën për rindërtimin e shtëpisë së tyre.

“Për ne ka qenë shumë e vështirë, kanë ardhur shoqatat, nuk kam shpresë që do të bëhet kjo shtëpi, po gatuaj jashtë se janë dhomat e vogla”,- ka deklaruar ajo.

Bashkia e Kurbinit ishte një ndër zonat më të prekura nga tërmetit i nëntorit të vitit 2019-të, i cili la të pastrehë rreth 2 mijë familje. Aktualisht më shumë se gjysma e tyre kanë hyrë në shtëpitë e reja, ndërsa procesi i rindërtimit vijon.

K.M/B.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Emigrant: 27/11/2023 07:39

    Zoti te dhente fuqi Por mos prit dhe shum nga shteti shtergohu dhe cik vete Ketu ku rri un ne zonen e avelinos ka qendra banor qe jetojn ne kontenier prej rreth 40 vjetesh dhe shteti nuk ja bene shpit Keshtu dhe shqiptaret te mesohen qe zoti eshte per te gjith por hallin tat e zgjidh vete Vdiq enveri qe ua ngrinte shpiat popullit per 6 muaj kur shpiat ua prishte natyra

    Përgjigju
  • Iris: 27/11/2023 00:47

    Po pse kointeinerin me qira e keni marre, qe kerkoni bonus qiraje?! S.d.q,eshte turp qe akoma bashkia nuk ua ka ndertuar shtepine pas kaq vjetesh!

    Përgjigju
  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57