Kurti: Hitleri nuk ishte i shqiptarëve
por Millosheviçi ishte i serbëve

Udhëheqësi i opozitës kosovare dhe lideri i Lëvizjes Vetëvendosje, Albin Kurti, në një intervistë për të përditshmen kroate "Vecernji List", ka kundërshtuar ashpër marrëveshjen midis kryeministrave Thaçi dhe Daçiç.

Partia e tij vazhdon të jetë i vetmi subjekt që nuk e ka përkrahur miratimin e kësaj marrëveshjeje në Parlamentin e Kosovës. Kurti sërish e ka akuzuar kryeministrin Hashim Thaçi për tradhti ndaj popullit të Kosovës.

“Kjo është në fakt një marrëveshje mbi organizimin e brendshëm të Kosovës së pavarur, e cila favorizon politikat ekspansioniste shekullore dhe ambiciet e Serbisë. Është dialoguar vetëm lidhur me çështjet e brendshme të Kosovës, e jo në lidhje me marrëdhëniet ndërmjet Kosovës dhe Serbisë. Kjo për faktin se Serbia nuk e njeh Republikën e Kosovës dhe se kushtetuta e saj thotë se Kosova është një pjesë integrale e Serbisë”, është shprehur lideri i Vetëvendosjes në këtë intervistë, transmeton Almakos.

I pyetur se çfarë i pengon më së shumti Albin Kurtit në këtë marrëveshje, ai ka deklaruar se me një marrëveshje të tillë e cila parasheh krijimin e Asociacionit të Komunave Serbe, decentralizimi që parashihet në pakon e Ahtisarit shndërrohet në centralizim etnik. Për më tepër, shprehet Kurti, kjo marrëveshje i jep të drejtën çdo komunë serbe në jug të Kosovës që të vendosë për veten nëse do të bashkohet me njësinë në veri të Kosovës. E ai etnitet mund të zgjedhë presidentin, nënkryetarët, etj, gjë që është e papranueshme për ne.

Kurti ka shprehur bindjen se kjo marrëveshje hedh themelet e krijimit të një etniteti serb të ngjashëm me atë në Bosnjë e Hercegovinë. Dikur për për Bosnjën dhe Hercegovinën thuhej se është shndërruar në një Jugosllavi në miniaturë. Ndërsa tani Kosova është bërë një Bosnjë në miniaturë, është shprehur lideri i Vetëvendosjes, Albin Kurti.

Kurti e ka quajtur Thacin një bashkëpunëtor të Serbisë, i cili nuk i ndihmon popullit dhe shtetit të tij, por i ndihmon Serbisë që sa më parë të integrohet në Bashkimin Evropian. Sipas tij, politika e Thaçit është e thjeshtë: cka duan amerikanët – privatizimin e ndërmarrjeve publike, jepja ato, çfarë duan evropianët – bisedime me Serbinë, ua jep edhe atyre atë që kërkojnë.

Albin Kurti ka deklaruar se shqiptarët në Preshevë, Bujanoc dhe Medvegjë janë të diskriminuar në çdo mënyrë.

“Në Serbi, ka më shumë shqiptarë sesa serbë në Kosovë. Për fat të keq, Thaçi në të gjitha negociatat harruar krejtësisht këtë temë. Ai mori shqiptarët për manipulim politik, i cili u shkaktoi më shumë dëme dhe të këqija. Për ne shkëmbimi i territorit është absolutisht i papranueshëm. Një ide e tillë vjen nga serbët, dhe ky është më shumë një cinizëm i politikanëve serb, e assesi vullnet i popullit. Kryeministri Ivica Daçiç më të angazhuar për këmbimin e territoreve dhe në çdo takim me delegacionin e Kosovës ka hapur temën, e cila mund të konfirmohet nga ndërmjetësit të pavarur të këtyre negociatave, por ne kemi mundësi që ne kurrë nuk do të pajtohen. Kosova Veriore është një pjesë integrale e Republikës së Kosovës, dhe kështu ajo gjithmonë do të jetë.

Gjithashtu Kurti ka komentuar edhe deklaratën e kryeministrit Sali Berisha lidhur me bërjen e Shqipërisë së madhe.

“Shqipëria e Madhe është fjalë apo term me të cilin më së shumti u shërbye Serbia derisa e realizoi një Serbi të madhe. Në fund, Serbia e fitoi territorin, ndërsa ne etiketën. Shqipëria është i vetmi vend në këtë pjesë të botës që nuk i ka sulmuar fqinjët, por është mbrojtur nga ata dhe pretendimet e tyre territoriale. Duket se bashkësia ndërkombëtare pesë vjet më parë lejoi Kuvendin e Kosovës ta shpallë pavarësinë me kusht që mos të shkohej më tutje. Një pavarësi e tillë është pothuajse si një kurth. Por prisni një minutë, nuk jemi ne shqiptarët qe kishim Hitlerin, por Serbia e kishte Millosheviqin. Vullneti i popullit dhe interesi i tij ekonomik është bashkimi me Shqipërinë dhe komuniteti ndërkombëtar duhet ta respektojë këtë vullnet”, është shprehur lideri i partisë më të zëshme opozitare në Kosovë, Albin Kurti./Almakos

(ad.ti/shqiptarja.com)