Në një hark kohor prej një viti e gjysmë, SPAK ka goditur të paktën 8 raste të zyrtarëve të lartë të akuzuar për korrupsion. Pa përfshirë çështjen e hershme të Saimir Tahirit. Nga Lefter Koka e deri tek Arben Ahmetaj, llogaritë tregojnë se kemi së paku një të arrestuar çdo 3 muaj. Duhet thënë se këto përballje me drejtësinë janë ende pa marrë formën e prerë. Por edhe pse si ish-ministrat ashtu edhe ish-kryebashkiakët e prangosur mund të dalin të pafajshëm para akuzave të prokurorëve, deri në një pikë kjo panoramë ka kënaqur kanibalizmin e opozitës që duan të shohin sa më shumë njerëz me pranga dhe pas hekurave. Këto viktima të organit të akuzës jo rrallë herë kanë ngritur habinë se përse SPAK po godet vetëm majtas dhe përgjigja deri diku duket e qartë. Së pari, socialistët qeverisin prej 10 vitesh, një periudhë e gjatë që përbën edhe të shkuarën edhe të tashmen. Dhe së dyti, gjumi i socialistëve kur opozita përmbyste SPAK-un me kallëzime, duket se po jep frytet e veta. Më saktë, një propabilitet ku nga 100 kallëzime, një do të përbënte indicie për të nisur hetimet. Sepse jo të gjithë të arrestuarit janë si pasojë e akuzave të opozitës. Gjen aty njerëz të dorëzuar para drejtësisë nga vetë ‘Bashkëqeverisja’ e Ramës, apo të dalë rastësisht në përgjime.
Mirëpo me goditjen e Arben Ahmetajt, ish-zyrtari më i lartë në historinë pluraliste që kërkohet të arrestohet, duket se është reflektuar edhe frika e opozitës. Nuk ka asnjë ngazëllim nga Sali Berisha për kërkesën e SPAK që Ahmetaj të prangoset. Përkundrazi, deklaratat e tij tregojnë frikën se me ish-zv.kryeministrin pas hekurave, radha do t’i vijë atij apo të tijëve. Fjala bie, Sali Berisha sulmon edhe SPAK edhe Kuvendin se kanë njoftuar Ahmetajn për arrestimin. Shkresa sipas tij mban datën 7 dhe vërtetë të tillë datë ka mbi kokë. 7 Korriku ishte e premte dhe ashtu siç pushon Sali Berisha në fundjavë, pushon i gjithë shteti. Të hënën u mor shkresa, doli edhe lajmi. Këto janë afate të thjeshta që kushdo që ka eksperiencë në administratë e di që korrespondenca e së premtes merret të hënën në dorëzim.
Po sot, Sali Berisha akuzon se Arben Ahmetaj është arratisur edhe pse ky i fundit s’ka bërë asnjë deklaratë për përballjen me drejtësinë. Përkundrazi ka paraqitur avokatët e tij dhe deri në momentin që merret autorizimi nga Kuvendi nëse duhet prangosur apo jo, nuk mund të quhet i arratisur. Por Berishës i duhet Ahmetaj në kërkim, që drejtësia të mos trokasë në derën e tij, por të rendë nëpër botë që të gjejë Ahmetajn. Model ky në fakt që veç njerëzit e Berishës dhe Ilir Metës e kanë dhënë për drejtësinë; Nga Ilir Kumbaro, tek Adriatik Llalla.
Lajme të tjera
-
Po tani, ka drejtësi zoti Berisha ?
27 Nëntor, 22:37
-
GJKKO i hoqi 'arrestin shtëpiak' Berishës, Kthupi në 'Repolitix': Praktikë gjyqësore, dosja ka shkuar për hetim, Berisha nuk prish më provat! Gazetari: Bien akuzat e PD për kapje të drejtësisë
27 Nëntor, 21:39 -
Spahiu: Dyshoj se për 10 vjet, nuk ka gjykatë që guxon të dënojë Berishën dhe Ramën
27 Nëntor, 21:15 -
Elezi në Report Tv: Berisha nga Partia Komuniste, dështoi me protestën! Toska: Fije shprese për mbështetësit
27 Nëntor, 21:11 -
Evi Kokalari reagon për lirimin e Berishës: Mos u gëzoni kot, s’ka lidhje administrata e Trump! Më intereson investigimi i kullës së malit, për atë më bënë kurban!
27 Nëntor, 19:10 -
Jakin Marena: Berisha ‘xhiroi bosh’ një vit, rikthim në pikën zero, pa kauza e alibi
27 Nëntor, 19:03
-
Falenderoi gjyqtaren që e liroi, por çfarë thoshte Berisha pak ditë më parë për të
27 Nëntor, 18:33
-
Ylli Pata: Mitet që rrëzoi dhe precedenti që hapi lirimi i Sali Berishës
27 Nëntor, 18:18
-
I dhj….rë , por krenar!
27 Nëntor, 18:05
-
Berisha u lirua nga 'arresti shtëpiak', Haklaj për Report Tv: Bie alibia e tij se drejtësia është e kapur! Anëtarja e FRPD: Vendimi i vonuar, mosbindje civile deri në qeveri teknike
27 Nëntor, 18:01 -
Kreshnik Spahiu: Gjykata e 'Ramës' apo gjykata e pavarur e liroi shtetasin Berisha?
27 Nëntor, 17:00
-
Dritan Hila: Më mirë rrugëve!
27 Nëntor, 15:18
