Kurti pranon ftesën e Borrell: Jam gati të shkoj në Bruksel! Do të paraqes provat e agresionit serb

Kryeministri i Kosovës, Albin Kurti ka pranuar ftesën e bërë nga Josep Borrell ditë më parë për të shkuar në Bruksel.  Në një konferencë për median ai tha se do të shkojë dhe do të paraqesë provat e asaj që ai i quan agresion serb në territorin e Kosovës.

““Do të komunikoj me Brukselin. Jam gati dhe i interesuar që të shkoj në takimin e radhës në Bruksel që të paraqes hodhësisht këto të dhëna që i morëm. Ta kuptojnë që deeskalimi i situatës nënkupton lirimin e menjëhershëm dhe pa kusht të tre policëve dhe dënimin e agresionit të Serbisë në Kosovë. Jam shumë i interesuar të paraqes dokumentacionin për këtë krim që është bërë ndaj 3 policëve, familjeve të tyre dhe republikës sonë. Deseskalimi drejt paqes nënkupton drejtësi. Duam drejtësi edhe ndërkombëtare jo vetëm vendore. Drejtësinë vendore e bëjnë organet tona”- tha Kurti.

LEXO EDHE:
‘Serbia po organizon arratisjen e të burgosurve nga Kosova’, ministrja e Drejtësisë kërkon hetim ndërkombëtar: Beogradi synon të godasë rendin publik

Nga ana tjetër, presidenti serb, Aleksandër Vuçiç ka refuzuar ftesën e bërë nga përvfaqësuesi i lartë i politikës së Jashtme të BE, Josep Borrell. Në fjalimin e tij para kombit të mbajtur ditën e dielë. Vuçiç tha se nuk ka asgjë për të biseduar me Kurtin.

Lajmi kryesor:

BE kërkoi takim pa kushte, Kurti pranon ftesën: Do shkoj në Bruksel të paraqes provat e agresionit serb! Serbët bllokojnë rrugët në 3 pika kufitare

B.V/S.G/Shqiptarja.com

TAG:
• serbi
• kosove
• tensione ne veri te kosoves