POP 5

Lajmet më të lexuara të 5 minutave të fundit

Kosova & Rajoni

Kurti takim me ministrin e jashtëm grek Dendias, i kërkon njohjen e pavarësisë së Kosovës

Kurti takim me ministrin e jashtëm grek Dendias, i kërkon njohjen e pavarësisë së Kosovës

Kryeministri Albin Kurti i ka kërkuar kryediplomatit grek Nikos Dendias që Greqia ta njoh pavarësinë e Kosovës. Dendias në anën tjetër ka thënë se do të përkrahë Kosovën në rrugën euro-atlantike. Ata zhvilluan një takim në Prishtinë, ku Dendias ndodhet për një vizitë zyrtare.

“Kryeministri Kurti e njoftoi se takimi në Bruksel do të jetë për dialogun e ardhshëm që duhet të jetë parimor, e ku Kosova do të trajtohet palë e barabartë. Ai përsëriti kërkesën për njohjen e pavarësisë së Kosovës nga shteti helen dhe theksoi rëndësinë që ka liberalizimi i vizave për qytetarët e Kosovës. Ministri i Jashtëm Dendias tha se Greqia vazhdimisht avokon për liberalizmin e vizave dhe se do të përkrahë e ta ndihmojë Kosovën në rrugën europiane dhe euro-atlantike”, thuhet në komunikatën e zyrës për media të Kryeministrit.

Kryeministri Kurti e falënderoi ministrin Dendias për rolin e politikës së jashtme greke ndaj Kosovës dhe angazhimin për anëtarësimin e Kosovës në organizata ndërkombëtare, siç ishte rasti në Bankën Evropiane për Rindërtim dhe Zhvillim, ku vota greke ka qenë përcaktuese për pranim, por edhe për votimin për pranim në Bankën Qendrore Evropiane, Frankofoni e Komisionin e Venecies.


Lajmi kryesor:

Ministri i Jashtëm grek: Greqia përkrah liberalizimin e vizave dhe dialogun Kosovë - Serbi! Do të shihemi sërish në Prishtinë (VIDEO)
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça