Kurti takohet me Scholz në kongresin e SPD-së: Nënvizuam fuqinë e marrëdhënieve tona dypalëshe

Olaf Scholz dhe Albin Kurti

Kryeministri i Kosovës, Albin Kurti, është takuar me kancelarin gjerman, Olaf Scholz, gjatë kongresit të Partisë Socialdemokrate. Kurti tha se takimi me Scholz ishte i frytshëm, teksa shprehu kënaqësinë e tij që po merr pjesë në kongresin e SPD-së gjermane.

“Kënaqësi të marr pjesë në kongresin e partisë SPD në këtë vit, ku pata një takim të frytshëm me kancelarin gjerman, Olaf Scholz, ku nënvizuam fuqinë e marrëdhënieve tona dypalëshe dhe vizionin tonë të përbashkët si socialdemokratë që nxisin drejtësinë, përparimin dhe prosperitetin për qytetarët tanë”, shkroi Kurti.

LEXO EDHE:
'Po ku ka si ty o Shqipëria ime'/ Emigrantët e kthyer po realizojnë ëndrrën në atdhe, Rama njofton turin me shqiptarët në Europë (VIDEO)

Sipas kryeministrisë, Kurti do të qëndrojë për vizitë në Gjermani edhe nesër, ku do të takohet me emigrantët e Kosovës.

Lajmi kryesor:

Rama falenderon Scholz: Procesi i rinovuar i Berlinit, një nga shumë sukseset e tij

SI.E./Shqiptarja.com

TAG:
• Olaf Scholz
• edi rama