Bajamet janë fara vaji të pasura me vitamina dhe kripëra minerale. Janë efektive në ruajtjen e arterieve të zemrës dhe kockave. Gjithashtu janë edhe shumë të shijshme. Stina e pranverës është edhe koha më e mirë për të konsumuar bajame të freskëta, ndërsa bajame të thata ka gjatë gjithë vitit.
Çfarë përfitimesh kemi nga bajamja?
Vitamina kryesore është vitamina E, e pranishme në sasi më të mëdha (rreth 24 mg për çdo gram), vitamina A, vitamina B (B1, B2, B3, B5 dhe B6), si dhe beta karoteni. Kripa kryesore është magnezi (rreth 270 mg për 100 g), e ndjekur nga kalcium, hekur dhe kalium. Ky kombinim i të gjitha vitaminave dhe mineraleve i bën bajamet të kenë veti të shkëlqyera për shëndetin.
Konsumimi i tyre parandalon sëmundjet kardiovaskulare në sajë të pranisë së yndyrës. Në këtë mënyrë janë një ndihmë e madhe në parandalimin e formimit të pllakave aterosklerotike në enët e gjakut dhe bëjnë të mundur zvogëlimin e goditjeve të zemrës. Prania e kaliumit ndihmon për të mbajtur të ulëta nivelet e presionit të gjakut. Gjithashtu prania e vitaminës E, e bën një antioksidant të rëndësishëm dhe ndihmon për të luftuar veprimtarinë e radikaleve të lira në mbrojtjen e membranave në mënyrë që të ngadalësojë procesin e plakjes qelizore.
Për më tepër bajamet kontribuojnë në forcimin e mbrojtjes imunitare. Ato përmbajnë 600 kalori për 100 gramë të kombinuara me vitamina dhe minerale të ndryshme. Bajamet është mirë të konsumohen në rastet kur është e nevojshme për t’i dhënë më shumë energji trupit. Prania e fibrave në to lehtëson lëvizjen e zorrëve dhe ndihmon në luftimin e kapsllëkut. Bajamet forcojnë dhëmbët, kockat dhe luftojnë aneminë. Kalciumi që përmbajnë ato është një ushqim ideal për ata që vuajnë nga osteoporoza.
Lajme të tjera
-
E dinit? Ky ‘truk’ që ‘pret’ oreksin dhe kaloritë, mjafton 30 gramë
24 Nëntor 2022, 16:50
