Kuvend/ Rudina Hajdari: E dënueshme bërja politikë me vdekjet nga COVID, të bëhemi bashkë (VIDEO)

Deputetja e opozitës parlamentare, Rudina Hajdari, në fjalën e saj në seancën e sotme plenare ka dënuar mënyrën se si po bëhet politikë me viktimat nga koronavirusi.

"Kjo është një situatë që vërtet duhet të gjejmë solidaritet dhe të kemi përgjegjësi të larta njerëzore. Sot dua të dënoj në mënyrë të ashpër mënyrën sesi po bëhet politikë me vdekjet. Në një krahë kemi një palë që valëvit si flamur betejë njerëzit në morg.

Dhe kemi palën tjetër, këta që thonë se shëndetësia është një pasuri e madhe kombëtare që po ecën në mënyrën më të mirë të mundshme. Këto nuk janë realitete dhe mënyra se si mund të përballohet kjo situatë. Ne nuk mund të bëjmë politikë me këtë situatë. Të krijojmë një komitet për një strategji të qartë se si do të ecim përpara me këtë pandemi.

LEXO EDHE:
Lufta poshtë brezit për dominimin e opozitës

Të mos zihemi me njëri-tjetrin. Të qëndrojmë krah për krah njeri-tjetrit dhe të qetësojmë qytetarët shqiptarë", tha ndër të tjera deputetja Hajdari.

 

Lajmi kryesor:

Kuvendi 1 minutë heshtje për viktimat e tërmetit! Manastirliu-qytetarëve: Mos ejani vonë në spital, ka shtretër! Testet e shpejta brenda dhjetorit! Pas debateve, përjashtohet Piciri

K.T.//Shqiptarja.com

TAG:
• edi rama
• lulzim basha
• ogerta manastirliu
• Kuvendi i Shqiperise
• elisa spiropali
• Parlamenti
• ralf gjoni
• erion piciri
• koronavirusi ne shqiperi
• termeti i 26 nentorit
• Dick Marty