POP 5

Lajmet më të lexuara të 5 minutave të fundit

Politikë

Kuvendi i paguan nga 35 mijë lekë në muaj qiranë në Tiranë 19 deputetëve! Kryesojnë më “pasivët” në seanca

Deputetët më pasivë të parlamentit nuk humbasin shansin për të përfituar privilegjet që ju jep statusi i ligjvënësit. 19 prej tyre marrin nga buxhetit i shtetit edhe kompensim për të jetuar në Tiranë në shtëpi me qira. Vetëm ky bonus ju kushton taksa paguesve 7 milionë lekë të vjetër ço muaj.

TIRANE - Çdo muaj, Kuvendi i Shqipërisë paguan qiranë për 19 deputetë të cilën vijnë nga qytete të largëta. 10 deputetë të Partisë Socialiste, 5 të Partisë Demokratike, 2 të PSD-së dhe 2 të PDIU-së marrin kompensim 350 mijë lekë të vjetra për shtëpitë që përdorin në Tiranë.

Përpara se ta bëjë këtë, Kuvendi ju kërkon deputetëve certifikatë familjare, vërtetim nga hipoteka e Tiranës se asnjë anëtar i familjes së tyre nuk ka shtëpi si dhe një kopje kontrate qiraje.

Fatura mujore për këtë shërbim ndaj deputetëve është 7 milionë lekë të vjetra.

Nga të dhënat e siguruara nga Report TV, ata që e kanë kërkuar këtë financim nga Kuvendi, për Partinë Socialiste, janë: Antoneta Dhima , Fadil Nasufi, Teuta Ramaj , Baftjar Zeqaj, Enslemvera Zake, Niko Kuri, Anduel Tahira, Pranvera Resulaj dhe Mirela Pitushi.

Kompensim marrin dhe dy deputetët e Tom Doshit në Shkodër, Gledis Çeliku dhe Meri Markiçi.

Të drejtën për qira të paguar nga shteti mes demokratëve e kanë shfrytëzuar: Saimir Korreshi, Eralda Bano, Greta Bardeli, Sorina Koti dhe Arbi Agalliu. 350 mij lekëshin çdo muaj e kanë marrë edhe dy deputetët çamë: Gëzim Ademaj  dhe Nusret Avdulla.

Vihet re se përgjithësisht, ata që e kanë kërkuar edhe këtë bonus nga lekët e taksapaguesve, nuk hyjnë tek deputetët më aktivë të parlamentit, bazuar në raportet e monitorimit.

Por pagesa për qiranë është një prej bonuseve të deputetëve. Ata kompensohen edhe për shpenzime telefonike, në vlerën 170 mijë lekë të vjetra në muaj, edhe pse paketat telefonike pa limite në treg janë shumë herë më të lira.

Vetëm për qira dhe telefon gjatë muajit gusht deputetëve ju janë dhënë mbi 27 milionë lekë të vjetër.

Paga e deputetëve, tashmë e rritur kap shifrën 3 milionë lekë në muaj. Ligjvënësit marrin edhe dieta për udhëtimet e tyre.

DEPUTETËT QË U PAGUHET QIRAJA
Antoneta Dhima    PS, Fier
Fadil Nasufi          PS, Berat
Teuta Ramaj          PS, Vlorë
Baftjar Zeqaj         PS, Fier
Enslemvera Zake  PS, Korçë
Niko Kuri             PS, Vlorë
Anduel Tahiraj      PS, Vlorë
Pranvera Resulaj   PS, Vlorë
Hatixhe Konomi   PS, Berat
Mirela Pitushi       PS, Fier

 

DEPUTETËT QË U PAGUHET QIRAJA
Gledis Çeliku        PSD, Shkodër
Meri Markiçi        PSD, Shkodër

 

DEPUTETËT QË U PAGUHET QIRAJA
Saimir Korreshi    PD, Fier
Eralda Bano          PD, Fier
Greta Bardeli        PD, Shkodër
Sorina Koti           PD, Korçë
Arbi Agalliu          PD, Vlorë

 

DEPUTETËT QË U PAGUHET QIRAJA
Gëzim Ademaj      PDIU, Vlorë
Nusret Avdulla      PDIU, Fier

G.M./M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se 'Tempulli' ka pasur sukses në kapjen e shpërndarësve të drogave

Lajme të tjera



×

Lajmi i fundit

Një hap larg suksesit të parë në Serie A, Como dhe Bologna barazojnë 2-2! Sot në fushë Juventusi dhe Milani

Një hap larg suksesit të parë në Serie A, Como dhe Bologna barazojnë 2-2! Sot në fushë Juventusi dhe Milani

14 Shtator, 17:13