Kuvendi miraton projektligjin e
mediave mes debatesh
Kuvendi miratoi mbrëmë me 73 vota pro dhe 61 kundër, projektligjin për mediat audiovizive. Opozita votoi kundër, me argumentin se me këtë projektligj, po cenohet liria e medias. Debatet, Dalipi e Leskaj përballë Pollos dhe Markut.
TIRANË - Kuvendi miratoi mbrëmjen e djeshme, me 73 vota pro dhe 61 kundër, projektligjin për mediat audiovizive, i cili prej 7 vjetësh ka qëndruar në komision. Opozita votoi kundër, me argumentin se me këtë projektligj, po cenohet liria e medias. Ka qënë deputeti socialist Alfred Dalipi, i cili akuzoi qeverinë për favorizim të mediave që fshehin dështimet e politikave qeveritare, duke vijuar dhe me dhënie tenderash në interes të pushtetit, për ngritjen e rrjeteve dixhitale. Akuzat u lëshuan në drejtim të KKRT-së, institucion ky, sipas opozitës, i njëanshëm dhe jofunksional.
“Janë dhënë 25 milionë euro tender”, - tha Dalipi, -“për dixhitalizimin e tregut dhe dy rrjete publike: dizenjim, pajisje, instalim, trainim dhe komisionim. Thotë: nga Ministria e Inovacionit dhe Teknologjisë dhe jep datën. Pra, Qeveria, merr përsipër, kur sjell këtu për të privatizuar gjithçka, të ngrejë rrjete për transmetuesit privatë. Ju kërkoni ta shtetëzoni përsëri duke i marrë mundësinë e statusit. Kjo është një vetëvrasje.
Përkundër deputetit socialist, është ngritur ministri Pollo, i cila tha: “Është e pavërtetë ajo që tha relatori socialist se dy multiplekset, rrjetet numerike do ndërtohen me paratë e buxhetit. Ato do licensohen nga AMA dhe investimi do të jetë privat. Por RTSH-ja është përgjegjësi e shtetit, është e publikut, pra është normale të financohet nga publike. Akuzat që dëgjova vijnë nga një njeri që si shumë të tjerë nga ai krah, i është bërë syri bakër dhe çdo transaksion e sheh në mënyrën e vet të të kuptuarit”.
Deputetja Valentina Leskaj, në diskutimin e saj, vuri në dukje se ky ligj është bërë me ekspertizën e ndërkombëtarëve dhe një pjesë e madhe e ligjit është miratuar me konsensus. Pika e konfliktit ka qenë zgjedhja e anëtarit të shtatë të AMA-s dhe të 13-të të KRTSH-së me shumicë të cilësuar, në mënyrë që mediave t’u jepej pavarësi.
“Ne kërkuam që anëtari i shtatë”, - tha Leskaj,- “në rastin e KKRT-së dhe anëtari i njëmbëdhjetë në rastin e RTSH-së, të zgjidhen me konsensus; nëse konsensusi nuk arrihet, me shumicë të cilësuar të cilësuar. Ju e refuzuat. E rrëzuat praktikisht duke rrëzuar të gjithë frymën e ligjit dhe keni rrëzuar të gjitha ato garantë, që ne ngritën për barazinë e operatorëve mediatikë, duke i hapur rrugën klientelizmit dhe goditjeve selektive në media”.
Qëndrimin e Leskajt e kundërshtoi deputeti Mark Marku, i cili tha se “opozita ka mbrojtur idenë e zgjedhjes së autoriteve rregullatore me shumicë të cilësuar ose me short por varianti i propozuar nga ne, edhe pse e mirëpret konsensusin, nuk e le funksionimin e këtyre autoriteteve në dorë të konsensusit. Siç e ka treguar përvoja e jetës politike dhe parlamentare të deritanishme, konsensusi na ka lënë në baltë edhe për çështje të tjera të rëndësishme”.
Redaksia online
(ar.sh/shqiptarja.com)
Sondazhi i ditës:
'Rasti Qefalia', a fshihen gjobat pas akuzave të Këlliçit, Nokës, opozitës?
-
Po
70.4%
-
Jo
18.3%
-
Ndoshta
11.3%
Vota total: 1406
Votat totale janë unike
Lajme të tjera
-
Mat/ I vuri zjarrin tokës, por u dogj dhe vetë! Ndërron jetë në spital i moshuari
23 Korrik, 12:20
-
Paralajmëron Basha: Rama dhe Berisha pakt për të mbyllur listat, e votojnë në seancën plenare! Sot dorëzojmë rekursin në GJL për vulën
23 Korrik, 12:13
-
Projekt-ligji për Policinë e Shtetit hap diskutimet te ‘Ligjet’/ Prençi: Të shihet koha e mbajtjes në rajon, Naço: Nga 12 orë është propozuar 5
23 Korrik, 12:07
-
‘Dashuria është nën ujë’, Rudina Hajdari ndan momente nga pushimet me partnerin e saj të ri (VIDEO)
23 Korrik, 12:05
-
Lajm i mirë për studentët, merret vendimi: Abone falas edhe për vitin e ri akademik
23 Korrik, 12:00
-
Fërgesë verore me speca e patëllxhanë nga zonja Albana
23 Korrik, 11:59
-
Sorbeto me shalqi nga zonja Albana
23 Korrik, 11:49
-
Recetë e shpejtë në 5 minuta me speca dhe gjizë nga zonja Albana
23 Korrik, 11:37
-
Situata e zjarreve në vend, ministria e Mbrojtjes: 21 vatra në 24 orët e fundit, 18 u shuan
23 Korrik, 11:37
-
Patëllxhanë Qebap nga zonja Albana
23 Korrik, 11:33
-
Zgjedhjet për kryetar Bashkie në Himarë në 4 gusht, regjistrohen 11 parti pjesëmarrëse!
23 Korrik, 11:14
-
Sulm me dron në portin rus, raportohet për viktima dhe të plagosur
23 Korrik, 11:13