POP 5

Lajmet më të lexuara të 5 minutave të fundit

Politikë

Kuvendi miraton shtyrjen e afatit të Komisionit të 'Territoriales' deri në tetor! Opozita kërkon shtim bashkish, PS ‘zbut’ qëndrim, ‘të hapur’ për negocim

Me 101 vota pro, Kuvendi i Shqipërisë ka miratuar shtyrjen e afatit të Komisionit të Reformës Territoriale deri më 21 tetor.

Kuvendi miraton shtyrjen e afatit të Komisionit të 'Territoriales' deri në tetor! Opozita kërkon shtim bashkish, PS ‘zbut’ qëndrim, ‘të hapur’ për negocim

Komisioni i Reformës Territoriale

TIRANË- Me 101 vota pro, Kuvendi i Shqipërisë ka miratuar shtyrjen e afatit të Komisionit të Reformës Territoriale deri më 21 tetor. Opozita dhe Mazhoranca deri në këtë pikë të diskutimeve kanë dalë me qëndrime të ndryshme sa i përket hartës së re territoriale. Të parët kërkojnë shtim të numrit të Bashkive, ndërsa nga ana tjetër kreu i grupit të PS-së, Taulant Balla tha se i qëndrojnë ndarjes aktuale, për 61 bashki dhe 12 qarqe.

Mirëpo duket se me shtyrjen e afateve, mazhoranca ka lënë hapësira për të negociuar duke lënë të hapur mundësinë e plotësimit të një nga kërkesave të opozitës. Thënë ndryshe, nuk ka ende një vendimmarrje nga socialistët, por nuk “ia kanë prerë shkurt” opozitës duke bërë që të rishohin qëndrimet e tyre.

Siç kanë deklaruar më herët, opozita u ka kërkuar ndërkombëtarëve që të ndërhyjnë në një proces për të cilin janë investuar tërësisht, madje e kanë shndërruar edhe një një “kalë beteje” të tyre. 

Demokratët e Berishës kërkojnë shtimin e 34 bashkive, e ndërsa grupimi Alibeaj në draftin e tyre të reformës territoriale, propozuan hartë të re me 92 bashki dhe 6 rajone. Nga 12 qarqe Grupi Parlamentar i PD propozon rigrupimin në 6 Rajone, që përmbledhin Rajonin Tiranë-Durrës; Rajoni Shkodër-Lezhë; Rajonin Kukës-Dibër; Rajonin Gjirokastër-Berat; Rajonin Fier-Vlorë dhe Rajonin Elbasan-Korçë.

B.K.//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Qeveria rishpall tenderin 400 mln euro të Portit të ri Tregtar të Durrësit në Porto Romano

Qeveria rishpall tenderin 400 mln euro të Portit të ri Tregtar të Durrësit në Porto Romano

24 Dhjetor, 19:43