Kuvendi i 2 Dhjetorit, nuk është garë dhe aksion opozitar kundër Edi Ramës. Jo, ai është veprimi dhe akti i rradhës për të rivalizuar Lul Bashën. Gjithë inatin, mllefin, lumin e akuzave dhe tërbimit, Doktori realisht i ka me të vetët. Me Lulin, Enkeledin, dhe 9 deputetët që akoma nuk i janë bashkuar atij. Kjo ndoshta do të ishte e vetmja zgjidhje, për të përligjur vulën dhe siglën e partisë.
Por Doktori, mbetet “besnik” i platformës së tij dështake. Asnjë kuvend dhe tubim, nuk do ta lëkundë “armikun” Lul Basha, për të mos u bashkuar me atë pjesëz të partisë. Asnjë kuvend, nuk do të mund ta tundojë grupimin prej 9 deputetësh, ti bashkohen Rithemelimit, pasi nuk shohin “dritë” në fund të tunelit. Atyre edhe kështu, u duket shumë-shumë e largët dita kur do të rimarrin pushtetin nga Edi Rama.
Brënda 18 muajve, Doktori ka mbledhur 2 herë kuvendet e Rithemelimit, dhe nja 112 herë grupimin e deputeteve të tij. Idea që rreket të përçojë është e qartë. “Ne jemi Partia Demokratike, ne na mblidhen mijëra simpatizantë, ne jemi opozita”. Mentalitet më leninist, nuk mund të ketë në një parti politike si kjo. Partitë e spaktrit të djathtë, me frymë demokratike, janë parti të hapura, të denja për të zbatuar statutin, ligjin, kundërshtarin politik, dhe për të mos penguar aspak garën dhe votën e lirë.
Kuvendi i Rithemelimit, është “mot á mot”, si kongreset e dikurshme të para 1990. Vendos i Madhi, flet i Madhi, dhe shpallet kryetar i Madhi. Kjo do të ngjasë edhe më 2 Dhjetor. Do të vijnë me autobuzë “kongresmenët”, nja 3 autobuzë të tjerë do ti mbushin nëpër rrethe, dhe do ti zbrazin në sheshin para selisë me thirrjet “Berisha-Berisha, që nënkupton se “ai do të shpallet sërish Mbreti partisë”. Askush, pavarsisht përpjekjeve që bëjnë disa “nën rrogoz”, nuk mund ta ndryshojë më fatin e asaj partie.
Më fatale, mbetet fakti kur shikon se si, edhe FRPD-në, e ka mbërthyer fryma anarshiste, berishiste, duke fikur shpresat për ndonjë ndryshim të pritshëm brënda asaj force politike. Rithemelimi i ka hequr tanimë të drejtën çdo zëri kundër, çdo rivali dhe garuesi, që mund të pretendonte se “do të rihapte dhe ringrinte partinë”. Çdo akt dhe hap, e ndërmer i Madhi, çdo aleancë e vendos i Madhi, çdo kuvend dhe fushatë e hap dhe mbyll ai.
Mosbindja civile, mbetet ndoshta mjeti i fundit “demokratik” që ka vendosur të përdorë Doktori , për ta “shtyrë edhe ca kohë” mbretërimin e tij në krye të Rithemelimit. Në atë parti, do përmbysur gjithçka, do futur “plugu” dhe do bërë “qilizëm” në çdo zyrë, seksion dhe degë lokale, për të arritur deri tek liria e fjalës dhe mendimit. Pastaj mund ta quajmë ndoshta edhe Parti Demokratike.
Lajme të tjera
-
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Mero Baze: Mesazhi i Berishës, nga ‘gjyqi’ i sajuar kundër Ivi Kasos
22 Nëntor, 19:24
-
'Studio Live'/ Vendimi i GJK për Berishën, Haklaj: E quajti arrestimin të ligjshëm, unanim 8-0! Meta humbi burrërinë, kërkoi pasaportën! Faik Basha: Është më i frymëzuar se kurrë
22 Nëntor, 18:01 -
Ylli Pata: Pse shpërtheu bomba në PD pas vendimit të Kushtetueses
22 Nëntor, 17:58
-
Partia Popullore Europiane 'godet' Sali Berishën, nuk kërkon lirimin e tij! Rezolutë për Shqipërinë, mbështet vijimin e reformave
22 Nëntor, 13:35 -
Pse priti deri në fund Berisha, çfarë shpresonte?
22 Nëntor, 13:08
