POP 5

Lajmet më të lexuara të 5 minutave të fundit

Sport

La Liga i bëri 'bllok', te Barça kërkojnë largimin e Laportës! Agjenti i Dani Olmo: Është lojtar i Barcelonës

Dani Olmo, kjo është "patatja e nxehtë" në duart e drejtuesve të Barcelonës.

La Liga i bëri 'bllok', te Barça kërkojnë largimin e Laportës! Agjenti i Dani Olmo: Është lojtar i Barcelonës

Joan Laporta dhe Dani Olmo

Dani Olmo, kjo është "patatja e nxehtë" në duart e drejtuesve të Barcelonës. Sulmuesi i afruar verën e vitit që lamë pas nga Leipzig për 60 milionë euro nuk mund të regjistrohet më nga La Liga, kjo për shkak të fair-play financiar dhe krizës ekonomike të Barçës.

Klubi katalanas ka provuar çdo formë për të pasur në ekip Olmon, i cili nëse nuk regjistrohet në një klub nuk mund të përdoret as nga Spanja për ndeshjet ndërkombëtare.

Megjithë kërkesat e shumta nga Barça, La Liga dhe gjykatat nuk i kanë dhënë dritë jeshile regjistrimit të lojtarit që gjashtë muajt e fundit ishte pjesë e ekipit. Tanimë te Barcelona ka nisur një revoltë ku kërkohet largimi i presidentit Joan Laporta.

Ortakët e klubit nën drejtimin e Joan Kamprubi Montal kanë kërkuar largimin e Laportës. “Operacioni” i Dani Olmos konsiderohej i rëndësishëm dhe mos regjistrimi i tij është i patolerueshëm nga ana e ortakëve.

Nga ana tjetër agjenti i Dani Olmo, Andy Bara ka thënë se 26-vjeçari, familja e tij dhe ai vetë nuk po mendojnë asgjë tjetër vetëm për të zgjidhur situatën pasi Olmo kërkon të jetë pjesë e Barçës.

"Është një situatë stresuese për Danin siç do të ishte për çdo lojtar tjetër. Por ai është një lojtar dhe person i madh, ai po përpiqet të jetë i qetë.

Sigurisht, Dani është një fitues dhe i pëlqen të luajë ndeshjet, jo t'i shikojë ato. Barcelona është opsioni i parë dhe i fundit. Dani, babai i tij, familja, unë, nuk po mendojmë për mundësi të tjera", tha Bara.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Zyrtare/ U largua nga Egnatia, Frederik Veseli rikthehet në Itali

Zyrtare/ U largua nga Egnatia, Frederik Veseli rikthehet në Itali

5 Janar, 16:48