Lajçak: Dialogu i rëndësishëm për aspiratat evropiane të Kosovës dhe Serbisë! BE-ja pret vazhdimin

Përfaqësuesi i Posaçëm i Bashkimit Evropian për dialogun Kosovë-Serbi Miroslav Lajçak

KOSOVË- Përfaqësuesi i Posaçëm i Bashkimit Evropian për dialogun Kosovë-Serbi, Miroslav Lajçak ditën e sotme ka përfunduar vizitën e tij tre ditore në Kosovë.

Ai përmes një postimi në rrjetin e tij social Twitter tha se para se të largohej nga Prishtina, informoi shtetet anëtare të BE-së për vizitën e tij.

Ai theksoi se dialogu është i një rëndësie të veçantë për aspiratat evropiane të Kosovës dhe Serbisë dhe se BE-ja pret vazhdimin e tij.

Lajçak gjatë qëndrimit të tij në Kosovë është takuar me disa prej figurave të rëndësishme politike në vend.

Ai fillimisht ka takuar kreun e LVV-së, Albin Kurti, partisë fituese më 14 shkurt në zgjedhjet parlamentare vendore. Ata diskutuan rreth dialogut Kosovë-Serbi ku Kurti theksoi se një gjë e tillë nuk është prioritet në programin e tij politik, megjithëse tha se është një gjë me rëndësi.

Ai më pas takoi presidenten në detyrë Vjosa Osmanin, kryeministrin në largim Avdullah Hoti si dhe kreun e PDK-së Enver Hoxhaj.

Lajçak pas vizitës së tij tre ditote në Kosovë është nisur drejt Serbisë.

“Para se të largohesha nga Prishtina sot, unë informova shtetet anëtare të BE-së për vizitën time. Ne ramë dakord që dialogu është i një rëndësie të veçantë për aspiratat evropiane të Kosovës dhe Serbisë dhe BE pret vazhdimin e tij”, shkruan Lajçak.

Before leaving Pristina today, I debriefed EU Member States about my visit. We agreed that the Dialogue is of key importance for Kosovo’s and Serbia’s European aspirations and the EU expects its continuation. pic.twitter.com/cSqiCI9Owe

— Miroslav Lajčák (@MiroslavLajcak) March 3, 2021

J.GJ./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Çfarë mendoni se do të krijojë situata në PD me mbledhjen e dy Kuvendeve?



×

Lajmi i fundit

John

Ekzekutimi i ish-kryekomunarit të Velipojës/ Maska anti-COVID 'mbron' autorin nga identifikimi! Pse policia nuk gjen gëzhojën e plumbit