POP 5

Lajmet më të lexuara të 5 minutave të fundit

Kultura

‘Land & Sand Art Festival’ për herë të parë në Shqipëri! Një arenë shumëkombëshe e plot ngjyra

Edicioni i parë i “Land & Sand Art Festival” vjen si risi për Shkodrën, i cili do të zhvillohet në plazhin e bukur të kryeqendrës së veriut në Velipojë, nga datat 24-27 gusht 2022. Me mbështetjen e Ministrisë së Kulturës, Ministrit të Shtetit për Mbrojtjen e Sipërmarrjes

‘Land & Sand Art Festival’ për herë të parë në Shqipëri! Një arenë shumëkombëshe e plot ngjyra

Edicioni i parë i “Land & Sand Art Festival” vjen si risi për Shkodrën, i cili do të zhvillohet në plazhin e bukur të kryeqendrës së veriut në Velipojë, nga datat 24-27 gusht 2022. Me mbështetjen e Ministrisë së Kulturës, Ministrit të Shtetit për Mbrojtjen e Sipërmarrjes.

“Land & Sand Art Festival”sjellë një formë të re arti në një frymë profesionale dhe internacionale duke marrë nga eksperienca e artistëve ndërkombëtar të ftuar. Ndikon në formimin kulturor të audiencës shqiptare, duke bërë që kjo iniciativë të aktivizojë veprimtari kreative dhe argëtuese të shëndetshme, për të rinj dhe fëmijë të të gjitha trevave shqiptare. Është pikë reference për të informuar të rinjtë shqiptarë mbi rëndësinë e aktiviteteve të tilla, ku edukimi dhe argëtimi mund të shkrihen dhe bashkëveprojnë së bashku. Ky festival është shkëmbimi i vlerave kulturore, artistike në hapësirat kombëtare dhe ndërkombëtare, nëpërmjet përfshirjes së artistëve të shumtë, duke ndihmuar dhe në bashkëveprimin mes brezave që vijnë nga lokacione të ndryshme të botës. "LAS Festival" ndihmon në promovimin dhe rigjallërimin e plazhit të Velipojës me anë të këtij eventi, që synon të afrojë sa më shumë turistë nga vende të ndryshme duke e shndërruar atë në një atraksion në rritje dhe në kryefjalën e zhvillimit socio-kulturor dhe ekonomik të qytetit, duke ndihmuar në këtë mënyrë dhe zhvillimin e bizneseve lokale.

Festivalet e skulpturës në rërë dhe “land art” janë evente arti që zhvillohen çdo vit në bregdete të ndryshme anembanë botës. Krijimi i veprave të artit në hapësirat publike merr formën e një festivali outdoor, ku artistë vendas dhe ndërkombëtarë do të demonstrojnë live, përgjatë 4 ditëve, këtë proces. Artistët ndërkombëtar pjesëmarrës në këtë Festival Arti zhvillojnë aktivitetin e tyre artistik kudo në botë, dhe kanë eksperienca të shumta në festivale dhe evente të këtij lloji. Organizimi i një eventi të tillë, ka si synim të sjellë vlera artistike, të organizojë veprimtari kreative por dhe të promovojë zhvillimin e turizmit në Velipojë dhe në qarkun Shkodër.

Artistë ndërkombëtarë, “sand & land-artists”, marrin pjesë në event dhe krijojnë vepra arti në hapësirat publike me një tematikë të lirë. Studentë nga universitetet e Shqipërisë dhe Kosovës (Shkodër, Tiranë dhe Prishtinë) bëhen pjesë e masterklasave, të cilët ftohen të krijojnë dhe bashkëveprojnë me artistët profesionistë ndërkombëtar. Po ashtu demostrime në rërë edhe për fëmijët e grupmoshave të ndryshme për të cilët do të ketë hapësira të dedikuara për të qenë pjesë e aktiviteteve kreative. Nuk do të mungojnë panelet e diskutimit, ku artistët ftohen për të ilustruar proceset e tyre kreative në hapësire dhe intelektual, për të diskutuar mbi efektet e konsumit të tepërt, ndotjes së hapësirave publike dhe rëndësinë e land artit në një epokë ku gjithnjë e më shumë artiste po krijojnë “enviromental” dhe “eco art” që rrit ndërgjegjësimin dhe ofron përgjigje për disa nga çështjet mjedisore që përballemi sot. Ky festival do përmbyllet me natën finale të eventit më 27 gusht 2022, në plazhin e Velipojës, ku do shpallet Artisti Fitues i këtij festivali të parë. Mbrëmja do vazhdojë me evente muzikore.

Kush është themeluesja e këtij festivali?

Beskida Kraja, themeluese dhe drejtore artistike është një artiste vizuale dhe kuratore e pavarur. Studimet e mesme i kreu në qytetin e lindjes në Liceun Artistik ‘Prenk Jakova’, Shkodër. Eshtë diplomuar në Akademinë e Arteve të Bukura të Athinës në degën Pikture Monumentale me titullin Master Shkencor. Ka kryer një vit shkëmbim universitar masteri në Akademinë e Arteve të bukura të Breres në Milano. Është specializuar për Art Terapi dhe Pedagogji Arti për femijët ‘Gifted Child’ në universitetin kombëtar ‘Kapodistrian’ të Athinës. Është anëtare e Unionit Internacional të Artistëve dhe Kuratorëve të Greqisë (AIAP). Kuratore e Çmimit ‘Idromeno’ 2021, i zhvilluar në Galerinë e Arteve, Shkodër. Bashkë-kuratore e ekspozitës ‘Weaving the Future’ ku pjesmarrëse ishin 35 artiste greke. Që nga viti 2019 bashkë me tre artiste greke krijon grupin artistik Penelope’s Web. Veprat e tyre me karakter social kanë në fokus të drejtat e grave por jo vetëm. Ka ekspozuar ne: Benaki Museum, Athinë; Katsigras Museum, Larisa; Michalis Kakoianis Foundation, Athinë; Dhimitri Mitara Museum, Halkidha; Galeria Kombetare e Kosovës, Prishtinë; Municipal of Athens, Metaksurgio; Miza Gallery, Tirane; COD - Center for Openness and Dialogue, Tiranë.

Beskida Kraja, themeluese dhe drejtore artistike

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Vuçiç: Sa të jem unë president, nuk do ta njoh kurrë Kosovën

Vuçiç: Sa të jem unë president, nuk do ta njoh kurrë Kosovën

25 Dhjetor, 21:43