Lanë Dritan Dajtin të shkonte te okulisti në Bllok/ Shkarkohen drejtori i Policisë së Burgjeve dhe dy zyrtarë të tjerë! Lirohet nga detyra dhe mjeku

TIRANE- Vizita tek okulisti i Dritan Dajtit, të dënuarit me 25 vite burg për vrasjen e katër policëve ngjarje e ndodhur në vitin 2009 në Durrës, i ka kushtuar postin drejtorit të Policisë së Burgjeve Bardhyl Kaçorri, drejtorit të IEVP-së Peqin Emin Shpata si dhe shefit të Forcave Operacionale në Drejtorinë e Përgjithshme të Burgjeve, Ferit Mici.

Gjithashtu është shkarkuar nga puna mjeku i të IEVP Peqin, Andi Andoni, ndërsa janë paralajmëruar mjekja e DPB, Ermira Qirinxhi si dhe inspektori i IEVP Peqin, Mefat Shehu.

Urdhri për këto masa të rrepta ndëshkuese është firmosur nga ministrja e Drejtësisë Etilda Gjonaj. 

Në shkresën e siguruar nga Report Tv thuhet se nga hetimet ka rezultuar se strukturat shëndetësore dhe Policore të Burgut Peqin nuk kanë ndjekur procedurat ligjore dhe rregulloret e brendshme, si dhe nuk kanë marrë në konsideratë asnjë mundësi që vizita shëndetësore e Dajtit të bëhej në klinikat publike pranë burgut, ndërsa theksohet se lidhur me këtë vendim nuk është pyetur as drejtori i Burgjeve, Agim Ismaili.

Gjithashtu, një pikë tjetër ku evidentohet shkelje e rëndë është shoqërimi i Dajtit në një orë dhe vend të populluar siç është zona e Bllokut, duke marrë edhe vëmendjen në publik, ndërsa nuk është bërë një vlerësim paraprak i masave të sigurisë pranë klinikës ku është dërguar i dënuari.

"Sipas të gjitha të dhënave, është konkluduar qartazi se në shkelje flagrante me ligjin, stafi mjekësor e drejtues në IEVP-në Peqin nuk kanë  kryer asnjë proces vlerësimi të kërkesës – në profilin mjekësor dhe operacional të riskut - dhe nuk ka marrë në konsideratë asnjë mundësi për kryerjen e vizitave mjekësore pranë strukturave shëndetësore publike të afërta me institucionin e vuajtjes së dënimit.

Nga hetimi është konkluduar se është shkelur neni 33 i ligjit “Për të drejtat dhe trajtimin e të dënuarve me burgim dhe të paraburgosurve”, dhe i nenit 106 të rregullores së përgjithshme të burgjeve parashikohet se të paraburgosurit dhe të dënuarit mund të kërkojnë që të vizitohen, me shpenzimet e tyre, nga një mjek i zgjedhur nga ata. Por kjo kërkesë vlerësohet nga strukturat  përkatëse duke vlerësuar mundësitë për marrjen e trajtimit të specializuar të të dënuarit nga spitali i burgjeve dhe organet shtetërore përkatëse të shëndetësisë.

Pavarësisht mundësisë së marrjes së këtij shërbimi në organet shtetërore përkatëse të shëndetësisë duke përfshirë spitalet publike, asnjë nga strukturat përgjegjëse nuk e ka vlerësuar dhe konsideruar kontrollin mjekësor në strukturat publike shëndetësore, por është dhënë aprovimi për kontrollin mjekësor në një klinikë private okulistike", thuhet në urdhrin e Ministrisë së Drejtësisë.

Dritan Dajti u dënua me burgim të përjetshëm nga Gjykata e Shkallës së Parë me akuzën e vrasjes në rrethana cilësuese të oficerëve të policisë, Fatos Xhani, Sajmir Duçkollari, Altin Dizdari dhe Kastrit Feskaj gjatë një operacioni policor për kapjen e tij në vitin 2009. Por me vendimin e Apelit të tre gjyqtarëve që i pranuan gjykimin e shkurtuar, rrjedhimisht e shpëtuan atë nga burgimi i përjetshëm, dënimi u ul në 25 vjet heqje lirie. 

 

VIDEO/Vizita e Dritan Dajtit

Shkarkimi i drejtorit të burgut të Peqinit

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Kafsha: 15/01/2020 13:00

    Bravo Etilda, bjeru gjith fundrrinave fshatarë!

    Përgjigju
  • Pyka: 14/01/2020 23:32

    Kjo ministerja,e gjeti fajtorin,Bardh Kaçorrin!Dhe e shkarkoj!Një pyetje kam:po per të korruptuarit në administrate ç'duhet të shkarkojmë?Me siguri PIKTORIN!!

    Përgjigju
  • Ali: 14/01/2020 20:28

    Shefat e policise se burgjeve jane ish police qe kane blere nga nje diplome. VERIFIKOJENI ju te SHKB i Burgjeve dhe do te bindeni ne kete te vetyete

    Përgjigju
  • Ali: 14/01/2020 19:27

    Z.Ministre Shikojeni mire punen ne drejtorine e policise burgjeve. Nuk eshte fajtor Drejtori Policise por ju dhe Drej Pergjithshem qe epror te te Drej Policise beni vartesin e tij Fehmi Sufaj i komanduar zv Drej Pergjithshem. Kush do ja pergatit urdhrat atij kamberHoxha i komanduar si shef sektori qe sdi te perdor kompjuterin apote tjeret qe jane fallcose kane idene Pra tre shefa sektori te komanduar.

    Përgjigju
  • Shqip: 14/01/2020 19:11

    Shqiperia do boshatiset se banditi ka me shume vlere se cdo gje tjeter...

    Përgjigju
  • Paloqja: 14/01/2020 17:09

    Vendi eshte në duart e funderrinave dhe fëmijëve të tyre që e kanë shnderuar në çiflik të tyrin.

    Përgjigju
    • Krimi: 14/01/2020 20:24

      Sakte

  • Gjorm: 14/01/2020 16:30

    Prandaj po boshatisete Shqiperia se nuk ka drejtesi. 4 veta vrau dhe denohet me 25 vjete

    Përgjigju
    • vrasesi i policeve vip: 15/01/2020 00:53

      jo nuk vra 4 veta. vra 4 punonjes se ligjit dhe i ndogji me qindra metra pas dhe i vrau si qener rrugeve plazheve. dhe do vriste edhe te tjret nqs nuk ishin rethana te vecanta qe policet e mjere te atij aksioni do kishin shpetuar.

  • Sondazhi i ditës:

    Investimi i dhëndrit të Trump në Sazan, jeni dakord?



×

Lajmi i fundit

Mero Baze: Marrëveshja e normalizimit” është shans për të normalizuar Lulizm Bashën dhe PD

Mero Baze: Marrëveshja e normalizimit” është shans për të normalizuar Lulizm Bashën dhe PD