Lapaj kërkon depolitizim të administratës zgjedhore: Komisionarët në zgjedhjet të jenë avokatë, noterë e gjyqtarë

 

Kryetari i Lëvizjes Shqipëria Bëhet, Adriatik Lapaj në një intervistë për emisionin ‘Frontline Interview’ në Report Tv tha se do të kërkojnë depolitizimin e administratës zgjedhore. Sipas Lapajt komisionerë duhet të jenë noterë, avokatë, prokurorë e gjyqtarë, të cilët përveç burgut të rrezikojnë edhe heqjen e licencës nëse kryejnë shkelje.

‘Ne jemi për votën e diasporës. Vota e diasporës u vlen si atyre që janë me bindje të djathta si atyre që janë me bindje të majta. Ne po kërkojmë ligjin për referendumet. Ne jemi për depolitizimin e administratës zgjedhore. Sepse depolitizimin i administratës zgjedhore do të thotë se administrimi i zgjedhjeve nuk bëhet më nga partitë e mëdha politike por nga profesionet e lira. Do të thotë që tu kalojë profesioneve të lira, që janë avokatë noterë, gjyqtarë, prokurorë. Nëse vërtetohet se kanë bërë një manipulim përveçse shkojnë në burg humbasin dhe licensën. Këto u vlejnë të gjithëve.’- tha Lapaj.

LEXO EDHE:
Lëvizja ‘Shqipëria bëhet’ mbledh firma për sistem të ri zgjedhor: Koha të ndahet shapi nga sheqeri

Lajmi kryesor:

Kush e financon e lëvizjen ‘Shqipëri Bëhet'? Lapaj: Nga mesi i dhjetorit mbahet me kontributet e qytetarëve! Marrim pjesë në zgjedhjet e 2025

M.Q./r.k./Shqiptarja.com

TAG:
• Adriatik Lapaj
• shqiperia behet