Lavdëroi publikisht ish-ushtarin nazist para Zelenskyt, jep dorëheqjen pas ‘gafës diplomatike’ kryetari i parlamentit kanadez

Lavdëroi publikisht ish-ushtarin  nazist para Zelenskyt, jep dorëheqjen pas ‘gafës diplomatike’ kryetari i parlamentit kanadez

Zelensky dhe Rota

Kryetari i Dhomës së Komunave të Kanadasë ka dhënë dorëheqjen, pak ditë pasi shkaktoi zemërim duke lavdëruar publikisht një ish-ushtar nazist në parlament.

Gjatë një vizite në parlament nga presidenti i Ukrainës Volodymyr Zelensky javën e kaluar, Anthony Rota bëri homazhe për një ish-ushtar nazist në mes të ligjvënësve kanadezë, duke e quajtur atë hero.

Që nga ai moment Rota është përballur me presion në rritje për të dhënë dorëheqjen pasi u zbulua se veterani kishte qenë ushtar nazist.

Rota e quajti ish-ushtarin nazist veteran nga Lufta e Dytë Botërore që luftoi për pavarësinë e Ukrainës kundër rusëve dhe një hero ukrainas e kanadez.

Por ish-ushtari nazist në të vërtetë shërbeu në Divizionin e 14-të Ëaffen Grenadier të SS, një njësi ushtarake naziste, krimet e së cilës kundër njerëzimit gjatë Holokaustit janë të mirë-dokumentuara.

Anthony Rota u tha ligjvënësve se kishte bërë një gabim duke ftuar ish-ushtarin Yaroslav Hunka, 98 vjeç, për të marrë pjesë në Dhomën e Përfaqësuesve për nder të Presidentit ukrainas Volodymyr Zelenskyt të premten e kaluar.

"Me zemër të rënduar ngrihem për të informuar anëtarët për dorëheqjen time si Kryetar i Dhomës së Komunave," u tha Rota ligjvënësve nga foltorja parlamentare.

Ai shprehu keqardhjen e tij të thellë për gabimin e tij dhe dhimbjen që u shkaktoi komuniteteve hebre në Kanada dhe në mbarë botën.

Rusia ka akuzuar qeverinë në Kiev për përkrahje të idealeve naziste, pavarësisht se Zelensky ishte hebre dhe humbi anëtarët e familjes në Holokaust, dhe polemika ka të ngjarë të shtojë ushqim në këtë narrativë.

Grupi mbrojtës i hebrenjve e quajti incidentin tronditës dhe tepër shqetësues dhe kërkoi dorëheqjen e Kryetarit të parlamentit për gabimin e tij trashanik.

Rota, i cili u zgjodh për herë të parë në 2004 dhe u bë kryetar në vitin 2019, kërkoi falje dhe tha se nuk kishte shumë informacione, duke shprehur pendesë për komentet e tij për Hunka.

"Kjo iniciativë ishte tërësisht e imja. Unë veçanërisht dua të kërkoj ndjesë time më të thellë për komunitetet hebreje në Kanada dhe në mbarë botën," tha ai.

Të hënën, kryeministri Justin Trudeau i quajti të turpshme komentet e Rotës.

Vizita e Zelensky në Kanada ishte etapa e tretë në një turne që synonte forcimin e mbështetjes ndërkombëtare, pas fjalimit në Kombet e Bashkuara dhe vizitës së Presidentit të SHBA Joe Biden në Uashington.

M.T/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Listat e deputetëve të hapura në 2/3 dhe jo plotësisht, jeni dakord?



×

Lajmi i fundit

Shënohet rekordi i parë në Lojërat Olimpike

Shënohet rekordi i parë në Lojërat Olimpike