TIRANË- Pesë anëtarë nga grupi që e kishin kthyer Lazaratin në Kolumbinë e drogës dhe rezistenca e armatosur e tyre ndaj policisë në ndërhyrjen e parë të shtetit në fshatin e kanabisit qershorin e vitit 2014, 1 vit pasi socialistët erdhën në pushtet, do të rigjykohen nga e Para në Gjykatën e Posaçme.
Vendimi u mor në dhomë Këshillimi nga Gjykata e Lartë, më 18 dhjetor, me trupë gjykuese Vojsava Kola, Margarita Buhali dhe Enton Dhimitri dhe pritet që me zbardhjen e vendimit të mësohen edhe arsyet apo shkeljet procedurale që mund të jenë zbuluar nga vendimet e mëparshme të drejtësisë për atë që u konsiderua grupi i zjarrit në Lazarat.
"GJ.K.R.T 55302-00869-00-2019 GURGAZ SKËNDERI, ENRIK SKËNDERI, ARBJON ALIKO, ALFRED PROKO, BEQO BRAHIMI Nenet 236/2,278/4, 333/a/2, 334 K.Penal ” Prishjen e vendimit Nr. 42, datë 21.05.2019 të Gjykatës së Apelit për Krime të Rënda dhe dërgimin e çështjes për rishqyrtim në Gjykatën e Posaçme kundër Korrupsionit dhe Krimit të Organizuar", thuhet në vendim.
Arbjon Aliko, vëllezërit Gurgaz dhe Enrik Skënderi, Alfred Proko dhe Beqo Brahimajn, 5 nga të pandehurit që kundërshtuan me armë punonjësit e policisë, u dënuan nga Gjykata e Krimeve te Rënda në atë kohë, me 52 vite burg në total nga 57 që kërkoi prokuroria. Avokatët kundërshtuan duke kërkuar pafajësi, por i njëjti vendim u la në fuqi edhe nga Gjykata e Apelit. Sërish me pretendimet për pafajësinë e 5 të pandehurve, avokatët bënë rekurs, por supriza në Gjykatën e Lartë ishte vendimi për të kthyer çështjen në pikën zero, me rigjykimin e saj për herë të parë në Gjykatën e Posacme kundër Korrupsionit dhe Krimit të Organizuar.
Si epiqendër e rezistencës prej orësh në 2014-ën u bë magazina e Gate Mahmutaj, e cila për nga pozicioni ishte dominant në raport me lëvizjet e policisë, ndërsa një pjesë e grupit u futën edhe në brendësi të fshatit duke zënë pozicione të ndryshme zjarri. I konsiferuar koka organizatore e grupit të zjarrit, Gate Mahmutaj ndërroi jetë në 2021-shin, pas disa vitesh në burg ku kishte marrë dënimin me18 vite.
Grupi në rigjykim janë të vetmit në mesin e të pandehurve që nuk kanë pranuar të kenë lidhje me kultivimin e drogës në Lazarat dhe goditjen me armë ndaj uniformave blu.
Një vit pas ndërhyrjes së parë në fshatin e drogës, policia zhvilloi një aksion të dytë në 2015-ën, ku nga përplasja e armatosur u vra efektivi i RENEA-s, Ibrahim Basha. Edhe kjo çështje e konsideruar Lazarati 2, përfundoi deri në Gjykatën e Lartë, me kërkesën e të dënuarit Ruhan Hiraj për rishikim të dënimit, por trupa gjykuese la në fuqi vendimin e Apelit.
Lajme të tjera
-
Do grabisnin dhe do vrisnin dhëndrin e Qazim Sejdinit më 2020, GJKKO dënon me 27 vite burg 3 persona! Përfitojnë nga gjykimi i shkurtuar (EMRAT)
20 Dhjetor, 13:40 -
Dosja e inceneratorit të Tiranës, GJKKO nis gjykimin e ish-deputeti të PS, Alqi Bllako
20 Dhjetor, 13:09 -
Dosja 'Metamorfoza'/ Kërkesa e biznesmenit Pëllumb Gjoka për pavlefshmëri të përgjimeve nga Sky ECC, Kushtetuesja tërhiqet për vendim
19 Dhjetor, 15:05 -
Dështon seanca e pajtimit mes Gazment Bardhit dhe ish-kryepolicit të Shkodrës
19 Dhjetor, 13:03
-
Në kërkim për 'Masakrën e Bradasheshit’ më 2018 me 3 të vrarë, GJKKO pezullon me 1 vit gjyqin ndaj Mikael Qosjas! Dyshohet se fshihet në Spanjë
18 Dhjetor, 13:58
-
Policia e Durrësit ekzekuton vendimin për konfiskimin e 4 pasurive të 'Zotit të drogës' Alket Hatija! Dy apartamente, një truall e një garazh, Italia e dënoi me 20 vjet burg për drogë
18 Dhjetor, 12:08 -
‘Toyota Yaris’/ SPAK i komunikon akuzat ish-kryeprokurorit dhe 3 të tjerëve! Pritet që dosja t’i dërgohet GJKKO, korrupsion dhe ndikim i paligjshëm
18 Dhjetor, 11:40 -
Shtyhet seanca për masakrën e Gërdecit, revoltohet Mediu: Ç'punë kam unë me kalibrat e municioneve që më hetojnë, isha ministër
18 Dhjetor, 10:20 -
Sulmet e Berishës ndaj Dumanit, Idajet Beqiri: Është në pozitë të vështirë! Saliu mund të prish provat pas lirimit nga 'arresti shtëpiak'
17 Dhjetor, 19:26 -
Seanca për mbarimin e mandatit të kryetares së Gjykatës Kushtetuese, Holta Zaçaj shtyhet për 23 dhjetor
17 Dhjetor, 16:18 -
Nënës së Kryemadhit i kthehet vila te ‘Kodra e Diellit’, Apeli i GJKKO lë në fuqi sekuestron e banesës vetëm për deputeten e PL
17 Dhjetor, 11:29 -
‘Plumbi i Artë’/ GJKKO dëgjon dëshminë e Nuredin Dumanit e dy të penduarve të tjerë me dyer të mbyllura! Avokatët ikin nga salla: Të jetë edhe media
17 Dhjetor, 09:36
