Ashtu si çdo vit revista “Forbes” ka hartuar një listë bizsenmenësh ndër më të pasurit, por që janë më të rinj se 40 vjeç. E megjithatë nga kjo listë duket se vetëm 5 persona janë ata që gëzojnë shëndet të mirë, kokën me flokë por edhe shumë vite për të shpenzuar të ardhurat e tyre.

30 vjeçari Dustin Moskovitz, i cili është bashkëthemeluesi i Facebook është personazhi më i ri  dhe që prej vitit 2010 në këtë listë. Pasuria e tij arrin deri në 10 miliardë dollarë. Moskovitz është vetëm tetë ditë më i ri se, Mark Zuckerberg, i cili është i dyti miliarder më i ri në këtë listë.  

dustin

(Në foto: Dustin Moskovitz)

Pasuria e  Zuckerberg arrin deri në 34 miliardë dollarë. Në moshën 30 vjeçare themeluesi i Facebook është renditur në vendin e 11-të në listën e njerëzve më të pasur në botë.

mark

(Në foto Mark Zuckerberg)
 
Ndërkohë në vendin e tretë të kësaj liste është renditur Elizabeth Holmes, e cila gjithashtu  është në moshën 30 vjeçare  dhe pasuria e saj ka arritur në shumën 10 miliardë dollarë.
 
elizabeth

(Në foto Elizabeth Holmes)

Listën e vijon themeluesi i whatsApp Jan Koum, i cili është 38 vjeç dhe ka një pasuri prej 7.6 miliardë dollarë. Renditjes së revistës “Forbes” i është bashkuar edhe sipërmarrësi Travis Kalanick, gjithashtu 38 vjeç dhe me pasuri prej 3 miliardë dollarësh.

elizabeth

(Në foto Jan Koum)


Travis Kalanick

(Në foto Travis Kalanic)

Redaksia Online
(xh.k/shqiptarja.com)