Emra të njohur si këngëtarja Orinda Huta, bashkëprezantuesja e moderatorit Ardit Gjebrea Andresa, velinat e emisionit Fiks Fare, Françeska e BB5, Linda një nga balerinat e Dancing With The Stars etj kanë qenë modelet e “Geraldina Sposa” në këtë sfilatë.
Megjithatë kulmimi i saj arriti kur në mbyllje të eventit prezantuesja e njohur Rudina Magjistari sfiloi duke dhuruar çaste mjaft të këndshme. Gjithashtu të pranishëm ishin personazhe të shumtë nga fusha të ndryshme si gazatarë, stilistë , modelë, këngëtarë etj.
Në një prononcim për Shqiptarja.com drejtoresha e Madame Mapo, Iva Tiço u shpreh: “Sfilata ishte shumë e bukur, ashtu siç ka qenë çdo vit. Ishte bukur t’i shihje ndryshe vajzat e ekranit duke sfiluar në këtë pasarelë.” – theksoi Tiço.
Ndërkohë që pas sfilatës u zhvillua një koktail ku të gjithë të pranishmit patën mundësi të argëtoheshin si dhe të shkëmbenin opinione rreth eventit.
(xh.k/shqiptarja.com)