“Muri me gjemba” në Bunk'Art...
izolimi nga bota gjatë komunizmit

Vizitorët e shumtë në numër të Bunk’Art nuk ndalen vetëm në pjesët origjinale që tregojnë rreth periudhës së komunizmit në vendin tonë, por edhe në ato instalacione artistike, të cilat me anë të artit arrijnë të përçojnë mesazhet e një kohe të vështirë që kemi lënë pas.
 
Në një nga 106 dhomat të bunkerit të nëndheshëm 0774 gjendet instalacioni artistik “Muri me Gjemba”, i cili evokon mbylljen nga bota jashtë kufinjve të vendit.

Me përfundimin e Luftës së Dytë Botërore bota u nda në blloqe të ndarë nga mure. “Muri i Berlinit” ishte vetëm më i famshmi. Në Shqipëri muri i ndërtuar pas çlirimit, nuk ishte me gurë apo beton por me gjemba.

Ky mur me gjemba si ata me gurë ka mbledhur në vite mesazhet dhe dëshmitë e atyre që tentuan apo ëndërruan ta kapërcejnë atë.


 


 
Ky Instalacion artistik duket se arrin ta përçojë mjaft mirë mesazhin e izolimit, por edhe ëndrrat e shuara dhe të shkatërruara prej tij.
 
Në Bunk’Art vijon fluksi i lartë i vizitorëve që prej datës 22 nëntor kur është çelur për publikun pas 36-vitesh mbylljeje. Sekretet dhe të pathënat e bunkerit të komunizmit tashmë janë të zbuluara për qindra vizitorët e të gjitha moshave që vizitojnë bunkerin e nëndheshëm 5 katësh. 




Redaksia Online
(xh.k/shqiptarja.com)

TAG:
• bunkart